3.5.15

Lilian um Hevndarsøgur og argentinskan film


Lilian Joensen, omanfyri, fer at greiða frá um argentinska filmin Relatos Salvajes, (Wild Tales, Hevndarsøgur, Damián Szifrón 2014), sum Filmsfelagið fer at sýna í Havnar Bio mikudagin 13. mai kl 20.

Argentinski filmurin var við í endaumfarinum, tá Oscarvirðislønin fyrr í ár skuldi handast besta útlendska filminum. Vinnandi filmurin varð pólski Ida, sum Filmsfelagið byrjaði skránna við í januar í ár. Eisini russiski Leviathan, sum Filmsfelagið vísti, var við í kappingini. Nú er høvið at síggja argentinska kappingarneytan, Hevndarsøgur (Wild Tales), sum hevur spanska talu og danskan undirtekst.


Lilian Joensen, sum fer at greiða frá undan sýningini, undirvísir í sponskum og lívfrøði í Miðnámsskúlanum í Suðuroy. Í summarfrítíðini granskar hon á stovninum fyri Tropiskum Medisini í Puerto Iguazú í Argentina. Mamma Liljuna er úr Argentina og pápin úr Sumba. Sjálv er hon fødd í Danmark, men vaks upp í Buenos Aires, har hon hevur tvær vaksnar døtur, ið hava tætt samband við Føroyar. Lilian er cand. scient í lívfrøði frá Universitetinum í Keypmannahavn (1993), hevur eina ph.d í lívrøði frá Universitetinum í Buenos Aires (2003) og hevur síðani 2001 verði limur í Grupo de Reflexión Rural í Argentina.

Atgongumerkjasølan til argentinska filmin Hevndarsøgur (Wild Tales), sum hevur gingið sigursgongd um allan heimin, er byrjað. Atgongumerki fáast bæði á netinum og við skivuna í Havnar Bio, har sýningar hjá Filmsfelagnum eru.