Skip to main content

Sólin rísur yvir kampingplássið


So rísur sólin fyri enn eini arbeiðsviku. Nummar sjeyogtretivu við kaffitørni. Sama morgunsólin rísur eisini yvir teim gestum, sum enn eru á kampingplássinum Yviri við Strond. Hesa morgunløtu eru tey farin úr reyða tjaldinum, og hava sett seg at eygleiða fjørðin og sólina, sum púra ópolitisk rísur millum Stong og Eystnes í eysturi. Aftur má eg sanna, at helst er tað fantastiskt at vera ferðafólk í Føroyum. Spell, at man aldri fer at uppliva sítt egna land sum fremmandur. Soleiðis skiftast vit um lond, heima og úti, tá vit ferðast. Kanska býr meir í trivialtugdu orðunum hjá danska ævintýrameistaranum: At ferðast er at liva!