1.1.16

Gott nýggjár!


Anna og Eyðun gera klárt til nýggjárshaldið í hitamiðstøðini í Tórsbyrgi. Á borðinum eru kransakøkur og sjampanja, og ein snapsur til tey birgastu á midnátt. Innan vit koma so langt, fara vit út í hjallin eftir kjøti at koyra í pottin og gera súpan. Ikki er tað bráðvakurt í liti og skapi, men upp móti rimunum og grindalikkjunum hjá Hanusi og Hergeir, gerst obskøna tjógvið grafiskt interessant eitt gamlaárskvøld.


Nú er ein tími eftir av árinum. Martin og Dánial, sum hava gjørt kyndlarnar, standa klárir í durinum, meðan eldurin sæst aftanfyri.


So er klárt at taka ein kyndil í part og bera gamla árið á bálið. Aftanfyri hómast Lágargarður.


Ein hálvur tími er eftir av árinum og øll fáa ein kyndil at bera. Dánial festir í og handar víðari.


Gingið verður niðan eftir parkeringsplássinum, eftir fótbóltsvøllinum, sum er fyri endanum á Fútalágvegnum, og so eftir gøtuni, sum er runt um allan býlingin.


Undir vegginum hjá Heðini og Maluni steðga vit á og syngja ein vetrarsang. Hesuferð var tað Veturin kom við kulda og kava.


So fara vit oman á bøin, har Jón og tey hava gjørt nýggjársbálið klárt. Nú syngja vit tjóðsangin.


So verða kyndlarnir blakaðir á bálið. Tað gamla er farið og hitt nýggja er í nánd. Jógvan hyggur at vælskipaða bálinum.


Eyðun er farin í sloyfu og opnar sjampanjuna. Nú er midnátt og nýggja árið er byrjað. Seinni bjóða Ingibjørg og Sigurd niðan í nummar sjey. Gott nýggjár og takk fyri tað farna!