Birk

Hetta eru brot úr eini myndarøð um Mannin og Fjallið - Leonard Knight og Salvation Mountain (Myndir: Birgir Kruse) Eftir at hava møtt 76 ára gamla Leonard Knight eru orð fátøk. Eg vísi til tekstin omanfyri.

Húskið hjá Norman úr Simi Valley ávegis til Coloradoánna at standa á jetski. Niðast Bob og tey, sum fara heim eftir eina góða feriu við somu á, frá Blythe og norðureftir (Myndir: Birgir Kruse) Coloradoáin knýtir mong bond vestanfyri í USA. Frá Grand Canyon og oman til Havasu og Blythe. Hon leggur seg i fjøllini, dalarnar og slættarnar oman til Havasu og fram við Blythe, har vit gistu í nátt. Á motellinum Travellers Inn hittu vit í morgun Norman og húski hansara. Tey eru úr Simi Valley við Los Angeles og eru øll ávegis til Coloradoánna at standa á vatnskíum og sigla við vatnskutarum. - Tað gera vit 3-4 ferðir hvørt summar, sigur Norman og savnar húskið frammanfyri stóra bilinum, nú tey eru liðug at pakka, bæði ís og bensin. Aftaná bilinum dregur hann jetskutararnar á einum vogni. Samstundis heilsar Bob og húski hansara. Tey hava júst verið við Coloradoánni og siglt. Vit møtast øll í túninum, nú tey fara heim aftur. - Eg helt tú vart úr Oregon, tá tú stóð soleiðis og kikaði eftir sólini

Navajokvinnan sigur at norska flaggið merkir at teir eru góðir kundar, norðmenninir (Myndir: Birgir og Unn Kruse) Við vegjaðaran millum Flagstaff og sunnaru inngongd til Grand Canyon í Arizona, sóu vit norska flaggið veittra. Vit steðgaðu og spurdu hví. Púra ósentimentalt segði indiánrakvinnan, sum var av Navajo ætt, at teir vóru góðir kundar, norðmenninir. - Og góðir kundar eiga lívið í okkum. Áhugavert at hoyra so kontanta tjóðskaparliga útmelding frá einum livandi indiána. Sama morgun hevði eg lisið á Portalinum um danska universitetsuppgávu, ið viðgjørdi tjóðskaparligu viðurskiftini millum Føroyar og Danmark. Tá kom til mín orðafellið Put Your Money Where Your Mouth Is .

Cameron er indiánarabygd millum Flagstaff og Grand Canyon í Arizona. Stóri handilin, ið einaferð var, er stongdur (Myndir: Birgir Kruse) Meðan hvíta yvirflóðsmentanin dusar sær í Las Vegas er trupult at fáa eyga á upprunafólkið, indiánaran. Tjóðar- og fólkaminni teirra eru sjáldsom at síggja. Í hvussu er tey, ið eru væl vard og innbjóðandi at uppliva. Gamaní er eitt stórt savn við avmarkaðum innihaldi niðast á Manhattan. Sí tveir stubbar um hetta 18. juli. Og gamaní eiga indiánar Hard Rock ketuna og nøkur spælistøð úti um reyða landið. Men tíanverri liva teir indiánar, sum vit hava sæð, Pomo norðan fyri San Francisco og Navajo og Hopi í Arizona, á niðastu samfelagsligu rók. Býlingarnir síggja út sum squatter camps, ella sigoynaralegur. Tað sjálvstøðuga virksemi, ið hevur verið, er steðga upp og er antin stongt ella til sølu. Indiánin er trongdur og tykist dáma best í einsemi burturi í óbygdum. Tað er spell. Tí hann hevur nógv meir at siga enn túsund blinkstrandi ljós á breiðu gøtunum

Hanus og Jógvan frammanfyri tornið frá 1930'unum. Vit síggja upp í tornið innan og kunnu gita, at tað var her Frank Lloyd Wright fann uppá Guggenheimsavnið í New York. Niðast situr Birgir frammanfyri veggjamálninginum hjá Katobie av Hopisøgnini um stóra ormin (Myndir: Birgir og Unn Kruse) Við Desert View í Grand Canyon er bygt eitt torn við útsýni yvir stórsta partin av økinum. Ein hvít kvinna, arkitekturin Mary Colter, bygdi tornið í 1930-1933 fyri The Fred Harvey Company. Hopiindiánarin Fred Kabotie teknið og málaði húsið innan. Innan sæst málningur hansara The Snake Legend , ið er kendur úr Hopimentanini, sum hevur livað á hesum leiðum.

Ovast, djarva kvinnan á einum kneysa í Grand Canyon og síðani reyðu røðirnar í somu gjónni. Hanus Jógvan og Birgir avmyndaðir við Desert View og Kolb Studio (Myndir: Hanus og Birgir Kruse) Ein hin stórsta upplivingin hjá ferðandi fólki í USA er Grand Canyon. Vit valdu sunnaru inngongdona, ella rættari sunnara áarbakka á Colorado ánni, ið er botnurin og jarðfrøðiliga meginorsøkin til Grand Canyon. Her er bratt og vítt um at fara. Besta dirvið at ganga og taka myndir í hæddunum hevði Hanus. Hann fotograferðaði ein kvinnu, sum uttan trygd ella útgerð yvirhøvur, gekk einsamøll út á ein leysan kneysa.

Undir hvítum hatti eru báðir kúrekarnir brúdleypsgestir á El Tovar hotellinum við Grand Canyon. Ein tamur íkorni, ið kom framvið, var eisini eitt gott myndaevni, haldi eg... (Myndir: Birgir Kruse) Grand Canyon er, sum navnið sigur, ein stór gjógv. Ilt er at fáa savnað eittans motiv, ið gevur meining, ella rættvísi mótvegis hesum stórbæra útsýni. Lukkutíð koma myndaevni framvið í heilum. Teirra millum nakrir brúdleypsgestir og ein tamur íkorni. Myndirnar tala fyri seg og seta kanska stóru gjónna, og endaleysu fjallarøðirnar aftanfyri, í perspektiv.

Lagaligur bilverkstaður og vítt útsýni í lítla býnum Williams. Síðani tvær kvøldmyndir úr stórbýnum Flagstaff, onnur úr túninum hjá Granny's Closet og hin við vápnabúðina í grannalagnum (Myndir: Birgir Kruse) Heima verður ofta tikið til orðafellið lívið á bygd . Ikki illa meint, men staðfestandi eitt avmarkað virksemi. Av teirri sjálvsøgdu orsøk, at her býr lítið av fólki. Eina tílíka bygd rendu vit okkum í ávegis til Grand Canyon. Bygdin eitir Williams og er eftir heimligari hagfrøði ein hampuligur býur við fleiri enn 3000 fólkum. Eftir at hava keypt bensin, heilsa uppá tveir bilsmiðir og fingið okkum ein kopp av kaffi, vóru vit øll samd um at koyra víðari til næsta stórbý, Flagstaff. Dygst við jarnbreytina skrivaðu vit okkum inn á Knights Inn og ótu náttura á Granny's Closet, lokalu matstovuni, har vit kundu velja borð við ella uttan stórskerm. Tá náttin fall á eftir lokna máltíð, skiltu vit hví so fá vilja búgva við The Railroad Track. Hinvegin kunnu vit eisini siga, at Hank

Vegurin til House of Blues á Mandalay Bay gekk framvið einum egyptiskum sfinski og pyramidum við so sterkum toppljósi, at rúmdarmenn sóu tað í ringrás. Innan konsertina fekk eg southern soul food - Jambalaya við sterkum gulum pipari og søtum flatbreyði (Myndir: Cornell MySpace og Birgir Kruse) Í nøkur ár hevur fløgan Euphoria Morning verið mín yndisfløga. Upphavsmaður er Chris Cornell, ein frálíkur sangari, ið ljóðar sum ein samandráttur av øllum tí tónleiki eg lurtaði eftir í 70’unum. Deep Purple, eftir Ian Gillan, Paul Rogers í Free og Bad Company - og í løtum við einum farra av Led Zeppelin og Ritchie Blackmore, men tá er tað meiri á gittarsíðuni. Og so er allar ræddarreferansurnar eisini at hóma úti í tí fjara - Journey, Kansas og so framvegis. Chris Cornell er í mínum huga hin besti 70’ara sangarin, sum ikki er úr 70’unum. Hann er nógv yngri enn so. Kom fram síðst í 80’unum við Soundgarden og var stórsta Seattle navnið tá Náttarravnssendingin fór í luftina á sinni. Thank

Ókeypis uttandura leikur við sirenum og sjórænarum við Treasure Island á The Strip í Las Vegas (Myndir: Birgir Kruse) Stóru gistingarhúsini, ið samstundis eru handlar og spælistøð, hava hvørt teirra ókeypis show. Treasure Island hevur eitt uttandura show við sirenum og sjórænarum. Skipini eru tvey, og evnið í søguni er tølandi sirenur av havsins botni. Tær koma í bardaga við sjórænaraskipið, ið søkkur og eftir miklan eld og skotbardga við nógvum dansi og tónleiki, vinna tær á monnunum. Tá leikurin er liðugur, flotnar skipið aftur og siglir avstað. Stórfingin framleiðsla.

Spesialbygd motorsúkkla yvir evnið sirenur á Treasure Island (Myndir: Birgir Kruse) Við støði í sagnum um havsins tølandi sirenur, hevur Scott Cawood sniðgivið hesa motorsúkklu, sum stendur í durinum á Treasure Island. Rick Hill og Big Dan frá Metropolitan Choppers hava bygt súkkluna eftir hálvum ári. Hon vigar 900 pund og ein triðingur er úr gomlum jarni.

Vakru fasadurnar á Golden Nugget og 4 Queens á Freemont Street, downtown Las Vegas. Niðri undir hyggja vit at Queen, ið eru evni í ljósshowi undir loftinum, sum er yvir allari gøtuni (Myndir: Birgir Kruse) Gamli býarparturin Downtown er nærum farin í gloymskuna, nú The Strip er so nógv útbygdur og væl vitjaður. Kring gomlu gøtuna Freemont eru spælistøðini Golden Nugget og 4 Queens. Her plagdu Elvis og Sinatra at ganga, tá teir vóru frammi. Gamaní, tað er ein farin tíð. Men býlingurin Downtown hevur tikið kappingina upp við The Strip og lagt alla gøtuna Freemont undir tak. Hvønn heila kvøldstíma er ljósshow, ið er størri og ógvusligari enn alt eg fyrr havi sæð. Sum at síggja ein risa sjónvarpsskerm, ið vísir MTV um allan sjónarringin. Í hesum føri ein reklama fyri Queen og teirra útgávum. Ekstravagansa í litum og ljóði.