Eftir Frælsisgudinnuna er Manhattan Skyline helst mest eyðkenda ímyndin av New York. Eftir sum vit ikki sluppu at ganga upp í Frælsisgudinnuna, skemtaðu vit okkum við myndum, har skýskravarnir á Manhattan eru kulissurnar. Sum sæst, eru tað ikki bara føroyingar, men eisini munkar, ið taka myndir av hvørjum øðrum við skýskravarunum í baksýni. Men tveir skýskravarar mangla – Tvíburðatornini World Trade Center.