Skip to main content

Posts

Showing posts with the label bátar

Fýramannafar flotað á Gitche Gumee

Seinastu árini hevur exil-føroyingurin, Torfinn Hansen, tikist við at smíða eitt fýramannafar. Báturin er skaptur inni í skóginum við Lake Superior* í Kanada. Nú er flotta farið endiliga flotað slakar 5.000 kilometrar úr Føroyum. Sum myndin vísir, flýtur báturin væl á verðins víðasta vatni. Hann hevur vakurt og harmoniskt spring. Fýramannafarið hjá Torfinni er skitsað við íblástri frá fotomyndum og upplýsingum úr skipalistanum og bókini hjá Andras Mortensen um hin føroyska róðrarbátin. Listarliga skapið er tó eisini tikið úr kensluríkum minnum. Í fimmtiárunum plagdu Torfinn og barndómsvinurin í Havn, Rógvi Holm, at meta, hvussu ymsir bátar bóru seg. Fúrstaligt far Á hesum nýggja farinum eru 19 føtur og 10 tummar millum stavna; tað er tveir tummar undir eitt fýramannafar. Reisingarnar eru sum á røttum føroyskum báti, men stavnarnir standa tó nakað hægri fyri at gera bátin meira fúrstaligan. Tollarnir lena væl út, men sjálvur báturin er ikki so væl útlagdur. Næstovasta

Fortuna komin

Frá vinstru síggjast Fía, Lene, Rókur, skiparin Søren, Erla, Frank, Ida og Eyvind, sum øll átta hava mannað seglbátin  Fortuna  seinasta teinin til Føroya. Tað var stilli men oysandi regn, tá tey í dag komu á Havnina og løgdu at við Bursatanga klokkan ellivu fyrrapartin. Ferðin byrjaði í Hundested, har báturin hoyrir heima, hin 27. juni. Siglt varð um Thyborøn, til Inverness í Skotlandi, gjøgnum Caledoniakanalina, vestureftir til Tobermory, út á Skye og so til Stornoway í Hebridunum. Seinasti teinurin tók seksogfjøruti og ein hávan tíma, sigur Rókur og hyggur eftir urinum. Hann er júst liðugur á sjómansskúla. Skipari er Søren, sum sæst niðanfyri. Fortuna, sum Lena og Søren eiga, er tveyogfjøruti fót til støddar og av slagnum Bavaria. Átta koyggjupláss eru umborð. Kvinnurnar eru serliga hugtiknar av seinasta teininum úr Stornoway til Føroya, har tey sóu smáhval og stórhval, sum kom upp at blása dygst við bátin. Lena og Fía eru radiografar og starvsfelagar á sjúkrahúsinum á Frede

Ovastevna á fjørðinum

Nógv virksemi er í Tanga- og Nólsoyarfirði, nú Ovastevnan er sett í fagrasta veðri. Av terassuni í Tórsbyrgi eydnaðist mær at fanga aftastu bátarnar í regattaróðrinum úr Hósvík til Nólsoyar. Fremri teinæringurin fór inn í Hoyvík, har Fornminnissavnið er. Ytri teinæringurin helt fram beint til Nólsoyar. Samstundis varð skotið fyri svimjarunum Yvir við Strond. Teir hava sett sær fyri at svimja um allan fjørðin. Við teimum eru fleiri bátar, so alt er undir tryggum umstøðum. Nú er bara at vóna, at eingin mistekur svimjararnar fyri kóp ella hval og fer at løða byrsu ella hvessa vákn. Seinni eru báðir teinæringarnir komnir til Nólsoyar, og báturin hjá Ova Joensen, sum er upphavið til Ovastevnuna, er drigin úr neysti í góðveðrinum.