Birk

Á triðja sinni skipar Filmsfelagið fyri Filmsdøgum í Felag í Havnar Bio. Tiltakið, sum er í døgunum 20.-24. september, er í ár bygt út við Barnabio og Eldrabio. Fimm kvøld á rað verða nýggir altjóða filmar frumsýndir í høli 1. Teir eru hin svenski KEMPAN (Jätten, Johannes Nyholm 2016), amerikanski heimildarfilmurin CITY OF GHOSTS (Matthew Heineman 2017), bretski TULIPANFEPUR (Tulip Fever, Justin Chadwick 2017), finski LJÓS Í MYRKRI (Toivon tuolla puolen, Aki Kaurismäki 2017) og hin eysturríkski filmurin STEFAN ZWEIG: FARVÆL EVROPA (Vor der Morgenröte - Stefan Zweig in Amerika, Maria Schrader 2016). Vanligi prísurin at síggja ein film, er 90 krónur. Men verða atgongumerki til allar fimm filmarnar keypt í senn við skivuna í biografinum, so er samlaði prísurin 300 krónur. Havnar Bio letur upp klokkan 14. Somu dagar, men fyrr um dagin, verða tríggir eins nýggir filmar sýndir í høli 1 undir heitinum ELDRABIO. Teir eru hin nýsælandski PATRIARKURIN (Mahana, Lee Tamah...

Biografurin Løksbio hevur longu havt nakrar sýningar í Løkshøll, m.a. The Islands and the Whales hjá Mike Day. Sunnudagin verða tvær sýningar í Løksbio . Bárður Højgaard, sum er mentanar- og ítróttarsamskipari í Runavíkar kommunu sigur, at við filmstiltakinum Løksbio , royna tey at vísa góðar nýggjar filmar í Løkshøll eftir sama mynstri sum Filmsfelagið. - Í Løksbio vísa vit filmar, sum ikki bara eru bumbur og action, og royna eisini at leggja okkum eftir øðrum filmum, enn bert teimum við enskari talu, sigur Bárður Højgaard. Komandi sunnudag 25. juni verða tveir filmar vístir í Løksbio . Fyrri filmurin verður klokkan 16. Tað er hin franski Læknin frá Chaussy.  Seinni filmurin verður vístur klokkan 20. Tað er hin ofta virðislønti íslendski coming-of-age-filmurin Hjartasteinn við enska heitinum Heartstone . Báðir filmar verða vístir við donskum undirteksti. Eftir hesar báðar sýningarnar sunnudagin fer biografurin Løksbio í summarferiu. Myndirnar omanfyri eru ú...

Hóast tíðarleys, fyllir heimsins elsta genta hálvfjerðs ár í hesum døgum. Tað er Pippi, sum svenska Astrid Lindgren (1907-2002) fann uppá í eini søgu, tá dótturin Karin lá sjúk og fylti ár. Omanfyri sæst Ur-Pippi, sum Lindgren sjálv teknaði. Føðingardagurin er 21. mai, sigur dótturin Karin Nyman í nýggjari sjónvarpssamrøðu . Navnið spillir ongan og slettis ikki anarkistisku Pippi, sum tá hon fyrstu ferð kom fram í Svøríki, navngav seg sjálva soleiðis: Pippilotta Viktualia Rullgardina Krusmynta Efraimsdotter Långstrump! Á føroyskum varð hon fyrst kallað Pippi Smokkuleggur, sum James Olsen sang um á aðru Útvarpsfløguni, sum kom í 1997. Ørminnist at tað var Hannamostir í Barnaútvarpinum, ið fann uppá føroyska navnið, sum á íslendskum merkir parísari. Saman við spunk var tað ikki so heppið, segði onkur. Millum annað tí varð anarkistiska Pippi úr uttanveltaða Svøríki umdoypt til Pippi Langsokkur í nýggju føroysku rættstavingarpaktini. Segðist í hvussu er. Hvat er meir ella minni...

Klipp úr plakat hjá Filmsfelagnum, sum Ole Wich gjørdi í 1987, tá norðurlendskir filmsdagar vóru í Norðurlandahúsinum. Tjóðfuglurin liggur tungur á viðbreknu føroysku filmseggunum, sum eru úr celluloid . Niðast er svarta hellan, sum skuldi prentast fleiri ferðir fyri at fáa rætta djúpa litin. Upprunaliga plakatin var long sum eitt filmsklipp. Prentað varð hjá Einars Prenti í Vørðsluni ovast í Krókabrekkuni, har Kvøldskulin er nú, og Sjónvarpið einaferð helt til. Minnist enn deymin av prenti og lakki, men ikki minst, hvussu tað var, at halda celluloid millum fingrarnar. Í prentaðu filmskránni skrivaði Katrin Ottarsdóttir (f. 1957) um at vera auteur . Niðanfyri heldur hon seinasta klippið av fyrsta føroyska filminum, Atlantic Rhapsody , fram fyri mær við køksborðið í Hedehusene. Klippið er ímyndin av, at filmurin er føroyskur, tí øll útlendsk fígging er klipt burtur. Ein samrøða við Katrina, sum eg hitti í farnu viku, kemur í blaðið hjá Atlantsflogi seinni í ári. Á filmsdøgunum ...