Birk

Her er ein hegri á náttklubba. Hann er so spelkin, at hann stendur á høvdinum. Aftanfyri síggjast eksotisku náttlampurnar. Nei, tvætla ikki. Hetta er ikki ímyndin av, hvussu vit skulu møta framtíðar ferðafólki. Hetta er ein av mongu fuglunum, sum Edward Fuglø hevur sett á eina klótu, sum hongur undir loftinum í SMS, meðan hugnaligu kafélampurnar í Baresso glampa aftanfyri. Navnið á instalasjónini er SunMoonShadow , stytt SMS. Edward hevur savnað fuglar úr fimtan føroyskum skúlum, sum nú síggjast á torginum í SMS fram til 26. mars. Hetta er besta høvið nakrantíð at síggja so nógvar ymsar fuglar á einum stað. Klikk á myndirnar og tær verða størri. Ein ytri orsøk til hesa risastóru installasjón er, at geva teim mongu ferðafólkum, sum koma til landið í hesum døgum at uppliva sólarmyrkingina fríggjadagin, eina uppliving, har føroyska fuglamangið kennist og hoyrist. Umframt fuglar og fuglalát úr bjørgum og haga, hevur Edward sett sjónvarpsskermar upp á træsúlurnar, sum

Sunnudagin 8. mars varð blaðið Opplev Færøyene borið út til allar haldarar av norsku avísini Aftenposten og Bergens Tidende , tilsamans 250.000 eintøk. Umframt prentaðu pappírsbløðini liggur ferðavinnublaðið eisini í elektroniskum líki á heimasíðuni hjá báðum bløðunum. Tað sigur Súsanna Sørensen, sum er marknaðarleiðari á Visit Faroe Islands. - Orsøkin til at vit gera norska serblaðið, er eitt ynski um at marknaðarføra Føroyar har í landinum, nú tað verða fýra flogfør hvørja viku úr Bergen, sigur Súsanna. Blaðið telur 20 innbjóðandi síður, ið allar eru fyltar við upplýsingum um Føroyar sum ferðamál. Fremst í blaðnum sigur Guðrið Højgaard, stjóri í Visit Faroe Islands, soleiðis við norska avíslesaran: "Nordmenn var det første nordiske folket som bosatte seg på Færøyene rundt det 9. århundre. I følge en færøysk legende var en gruppe nordmenn på vei til Island, men på grunn av at de ble sjøsyke, stoppet ferden på Færøyene. Disse menneskene endte med å bosette seg i øyriket.

Nýggja Tjóðleikhúsið á Skálatrøð skal standa liðugt í 2019. Tað varð kunngjørt í Meiarínum í mentunargøtuni Tórsgøtu í Havn í dag. 1. februar hevur verandi Tjóðpallur hildið til har í tíggju ár. Elsa Johanna Høgenni, forkvinna í stýrinum fyri Tjóðpallin, bjóðaði vælkomin. Eitt brot úr komandi leikinum Kreditorar eftir August Strindberg varð framført. Eyðun Johannessen leikstjórnar Kristinu Sørensen Ougaard, Hans Tórgarð og Hjálmar Dam. Leikurin verður frumsýndur á verandi Tjóðpalli tann 11. apríl. Vit hoyrdu sang úr fyrstu føroysku teaturkonsertini Rósa Maria , ið er bygd á samnevndu søguna hjá Jens Paula Heinesen, har Bergur Rasmussen hevur skrivað tekstin til leikin og Jónleif Jensen hevur gjørt tónleikin. Evu Mariu Brynhildardóttir Bláhamar og Mike Viderø sungu og Ólavur Jakobsen spældi gittar. Rósa Maria verður framførd í Norðurlandahúsinum í heyst. Bjørn Kalsø, mentamálaráðharri setti á heysti í 2013 bygginevnd fyri tjóðleikahús við Bjarna Wilhelm, deilda

Eitt av mest sjáldsamu fløggum, at veittra á okkara leiðum, er av Vanuatu. Eksotiska Kyrrahavsflaggið sæst á hekkuni á 90 ára gomlu niðurlendsku skonnartini Rembrandt van Rijn, sum ger klárt til sólarmyrking.  Rembrandt van Rijn er trímastrað niðurlendsk skonnart við drúgvari søgu, sum í hesum døgum liggur inn móti Bursatanga, innast við bryggjuna í Havn. Meðan tað í gjárkvøldið fløddi heilt upp undir Vippuna á Tinganesi, bíðar skipið eftir 32 kinesarum. Orsøkin er sólarmyrkingin um eina viku. Eins og Golfo Azzurro hjá Paul Watson og teimum, sum vitjaði her fyri fimm árum síðani, er skonnartin skrásett í Port Vila í Vanuatu. Veggjakortið, Heimurin , hjá Námi sigur hetta um Vanuatu, sum er í punti Z8, tað vil siga í Osiania í Suðurkyrrahavi: Tríggjar dagar undan søguligu hendingini, tá alt fer í svart, hóast kalendarin lovar várjavndøgur, koma ferðafólkini úr Kina til Føroya at verða umborð á niðurlendska skipinum, sum Balder Nieuwland B.V. hevur átt síðani 199

2'arin hjá Kinnu í Dimmu hetta vikuskiftið hevur spurt henda bloggaran níggju brúkaraspurningar av mentanarliga slagnum: Mentanarbrúkarin hesa ferð er Birgir Kruse, sum er formaður í Geytanevndini og saman við Havnar Bio stendur fyri filmsýningunum, ið ganga undir navninum Filmsfelagið. 18. mars fara tey at sýna Oscarvirðislønta filmin “Whiplash”, ið er um ein ungan bigband trummuslára við einum ógvuliga hørðum lærara. 1. Greið frá tínum listaáhuga, nær byrjaði hann? Eg hevði sum vaksin ein so frálíkan lærara á linjuholdinum í evning á Læraraskúlanum 1981-85, sum æt Børge Petersen. Við ymsum teoretikarum minti hann okkum á, at øll dugdu at tekna, men flestu góvust. Avbjóðingin var aldri at gevast. Hann fekk meg at minnast á Hans David Jacobsen, lærara á Venjingarskúlanum, sum í sjeynda flokki lærdi okkum forvitni við at fjala lutir undir einum dúki. So sótu vit og teknaðu og gittu við skerptum appetitti uppá lívið, pappírið og blýantin. Benny Drewsen og Ingálvur av Reyni

Klipp úr plakat hjá Filmsfelagnum, sum Ole Wich gjørdi í 1987, tá norðurlendskir filmsdagar vóru í Norðurlandahúsinum. Tjóðfuglurin liggur tungur á viðbreknu føroysku filmseggunum, sum eru úr celluloid . Niðast er svarta hellan, sum skuldi prentast fleiri ferðir fyri at fáa rætta djúpa litin. Upprunaliga plakatin var long sum eitt filmsklipp. Prentað varð hjá Einars Prenti í Vørðsluni ovast í Krókabrekkuni, har Kvøldskulin er nú, og Sjónvarpið einaferð helt til. Minnist enn deymin av prenti og lakki, men ikki minst, hvussu tað var, at halda celluloid millum fingrarnar. Í prentaðu filmskránni skrivaði Katrin Ottarsdóttir (f. 1957) um at vera auteur . Niðanfyri heldur hon seinasta klippið av fyrsta føroyska filminum, Atlantic Rhapsody , fram fyri mær við køksborðið í Hedehusene. Klippið er ímyndin av, at filmurin er føroyskur, tí øll útlendsk fígging er klipt burtur. Ein samrøða við Katrina, sum eg hitti í farnu viku, kemur í blaðið hjá Atlantsflogi seinni í ári. Á filmsdøgunum

Summir plátuhúsar tola at verða endurnýttir. Enn er í hvussu er eingin, ið hevur skýrt tað plagiat, at brúka somu stavir, litir og lay out, sum Elvis gjørdi á fyrsta LP húsanum í 1956. Hann sæst omanfyri. Heldur halda bransjufólk, at hetta er at skriva seg inn í eina revolterandi ungdómsmentan, sum rock and roll natúrliga var í 1956 og lutvíst er tað enn, útvið 60 ár seinni. Ella - er ungdómsstílurin, sum upprunaliga var undirgravandi, nú vorðin ein glitrandi ímynd, sum mótin hevur skrykt allar tenn úr, eins og tá ágangandi punkurin hjá Clash og teimum úr niðastu undirgrundini í Bretlandi gjørdist ein stovurein ímynd av forbrúkaramentan hjá Levi's og øðrum dýrum buksum, skóm og hálsprýði? Um dagarnar varnaðist eg, at gamli svenski hip hop bólkurin Infinte Mass, sum var frammi meðan Náttarravnassendingin var ung í 1990'unum, enn hevur staying power á altjóða dansigólvinum, har teir enn sum áður sitera James Brown: "The one thing that can solve most of our problems