Birk

Hoyr tekstin her Nú ber til at lesa bloggin við teldutalu. Trýst á slóðina omanfyri, ella eina av slóðunum, sum er á bloggunum niðanfyri. So kemur tú inn í valmyndina, sum sæst omanfyri. Trýst so á play niðast vinstrumegin. So verður teksturin lisin upp. Ovast høgrumegin kanst tú velja, um ein maður, Hanus, ella ein kona, Hanna, skal lesa. Beint niðanfyri kanst tú áseta lesiferðina, skjóta ella spakuliga.

Hoyr tekstin lisnan upp við teldutalu her: Fríggjadagin 22. januar verður Torbjørn Olsen 60 ár. Henda dag letur upp ein heiðursframsýning í Steinprenti við grafikki, sum Torbjørn hevur gjørt í samstarvi við litografin Jan Andersson frá 1993 til 2016. Omanfyri er Torbjørn avmyndaður í bussinum til Skálavíkar at fáa Mentanarvirðisløn Landsins 16. januar í fjør. Niðanfyri er Torbjørn avmyndaður saman við Zachariasi Heinesen í grafiska verkstaðnum Steinprenti í november í 2010. Aftanfyri sæst journalisturin Beate Samuelsen. Í marsmánaði í 2012 sýndi Torbjørn Olsen fram í Listaglugganum í Dr. Jakobsens gøtu í Havn. Í profil og front, fangaði eg hann framman fyri eini sjálvsmynd úr ateliérinum. 28. august í 2010 tá Heystframsýningini lat upp á Skipasmiðjuni, avmyndaði eg Torbjørn og myndhøggaran Andrias Andreassen framman fyri einum litføgrum málningi av Ester hjá Olivuri við Neyst. Á somu Heystframsýning sýndi Torbjørn Olsen fram ein stóran málning við bíbilskum mynda

Hoyr tekstin lisnan sum teldutalu her Omanfyri sæst Cheryl Boone Isaacs, sum er forseti í The Academy of Motion Picture Arts and Sciences, eisini kend sum Oscarnevndin, ið hvørt ár ger av, hvør fær eina Oscarvirðisløn í 24 ymsum bólkum. Hetta er mest týðandi filmsvirðisløn í øllum heiminum. Um 6000 professionell fólk úr filmsvinnuni eru limir og hava makt at atkvøða. Í so máta eru tey fáu fólkini, sum gera av hvør fær Golden Globes, nógv sterkari. Maktin at gera av hvør nýggjur filmur vinnur eina Globevirðisløn er savnað á 93 hondum. Javnan verður sagt, hvussu stóra ávirkan hesi fáu fólk hava á Oscardómsnevndina og marknaðarføringina gjøgnum alt filmsárið, sum nústani er byrjað. Cheryl Boone Isaacs, 67, er triðja kvinna og fyrsti forseti av afrikanskum uppruna at leiða felagsskapin, sum varð stovnaður í 1927. Í gjár sendi hon út eini boð um í størri mun at fevna einum ymiskleika, at fremja inklusjón, heldur enn at útihýsa fólki í kappingini um Oscarvirðislønirnar. Varisligu boðini

Hoyr tekstin lisnan sum teldutalu her LucasGamerFC eitur hann á YouTube, har stóra fyrimyndin er  comedyshortsgamer . Til gerandis eitur hann Líggjas av Vollanum, er fjúrtan ára gamal og gongur í áttanda flokki í Kollafjarðar skúla. Avmyndaði hann í Vesturkirkjuni sunnudagin, tá hann saman við mammuni, Karinu, filmaði eina samrøðu við prestin Derhard Jógvansson, sum greiddi frá um føstu. Upptøkan verður at síggja á eini temasíðu hjá Námi um føstulávint . Líggjas fortelur, at hann filmar við eini Iphone 6 Plus og klippur við forritinum Imovie. Lidnu filmarnar leggur hann á YouTube. So skftir hann til enskt. - If you want to do YouTube, you'll have to get a great set up, a mic, computer software editing program, a game capture HD camera, and something people want to see and enjoy. - Sorry, to do YouTube, hvat er tað, spyrji eg púra lost. - Tað er at uploada video'ir frequently, sigur hann promte. - Hvørji eru tey bestu tips, tú kanst geva einum, sum ætlar s

Hoyr tekstin lisnan upp við teldutalu her Seinastu dagarnar hevur verið sjórok. Orðabókin sigur, at sjórok er sjógvur, sum rýkur ella stendur í andarisi í nógvum vindi. Og tað sæst aftur á vindeygunum, saltið í sjórokinum. Omanfyri er gluggin opnaður oman móti Ríkissalinum hjá Jehova Vitnum. Eingin nevndur, eingin gloymdur, men her er ein arbeiðsuppgáva, sum helst man røkka um alt landið, skulu vit síggja út á fjørðin, har einki rok er longur. Bara stilli, sum leygardagin tá Triton sleipaði Brimil í logn. Stilli og einki rok á sjónum.

Trýst á hesa slóð og hoyr tekstin lisnan upp! Á ársveitsluni hjá Felagnum Føroysk Marknaðarfólk, ið er áhugafelag fyri fólk, ið arbeiða innan marknaðarføring í Føroyum, vóru ársins bestu lýsingar í Føroyum kosnar í Mettustovu fríggjakvøldið, 15. januar. Demokratia, Ferðslutrygd, Føroya Bjór, VisitFaroeIslands og Koks eiga ársins bestu lýsingar. Meira enn 1.400 Facebook brúkarar valdu at atkvøða í ársins kapping um bestu marknaðarføringina í Føroyum í 2015. Harumframt fekk matstovan Koks ársins herðaklapp frá nevndini fyri slóðbrótandi arbeiði innan føroyska marknaðarføring. Koks er flutt út úr Hotel Føroyum og fer seinni í ár at lata upp í Kirkjubø. Hvørt ár er ein gestarøðari. Her er røðan eg slapp at halda: Lýsingar og brúkarin Hvat skal man siga um eitt fakevni, sum man ikki hevur innlit í, við ein fólkaskara, sum livir av hesum sama fakevni, og sum eg onga binding havi til, men eri biðin um at siga nakað um? Helst hugsaðu Watergate-innbrotstjóvarnir so

Hoyr tekstin lisnan her Eilif Mortansson hevði fylt hundrað, hevði hann livað. Helst er hann er mest lisni føroyski høvundur, og er eisini upphav til fyrstu lesiuppliving, sum eg minnist. Soleiðis frá permu til permu, púra uppslúktur. Ein Ribbaldur , sum hann skrivaði, og so kanska Vicke Viking , eru fyrstu bøkur eg minnist sum sjávstøðug lesiuppliving. Gluggan las eg eisini á tamb ta somu tíðina tíðina, og íslendska barnablað, Æskan , sum mostir ein floksfelaga plagdi at fáa. Seinni lósu vit Ousideren í sama flokki. Í morgin møtast vit aftur. Kemur ikki hol á, so eru bøkur tíðarlummar. Eins og plátur og filmar. Síggjast!

Hoyr tekstin lisnan her Besti útlendski filmur skal í ár finnast millum fimm filmar, sum hava hesi ensku heiti: "Son of Saul," László Nemes úr Ungarn "A War," Tobias Lindholm úr Danmark "Embrace of the Serpent," Ciro Guerra úr Kolumbia "Mustang," Deniz Gamze Ergüven úr Fraklandi "Theeb," Naji Abu Nowar úr Jordan Oscarhandanin verða á 88. sinni hildin sunnudagin 28. februar í ár í the Dolby Theatre í Hollywood, og send beinleiðis við Chris Rock sum verti í ABC Television og í fleiri enn 225 londum. Bólkarnir, sum verða virðisløntir, eru 24.

Hoyr tekstin lisnan upp her So var skúlakavi aftur. Kalt og ein kontemplativ løta. Í stilla kuldanum at hugsa um minnismentan og nøvn, sum gjøgnum eitt heilt lív sleppa at gera okkum mun. Hví er tað so, at tað fjarasta kenna vit best? Er tað natúrliga perspektivið, ella er tað tí, at tann parturin av útinnandi føroyskari mentan, sum ikki er á fornminnissavni, er so tungur at reka, at einki annað er, enn tað útlendska, ið lættliga kann leggjast undir nálina, sæst og hoyrist aftur, á ein hátt, sum ger mun? Givið er, at flestu okkara kenna fleiri sangir hjá Bowie, enn tekstabrot hjá Heinesen og øllum hinum tilsamans. Ella eri tað bara eg, sum haldi tað? Haldi, at her er ein heimligur formidlingstrupulleiki, hóast nøkur eru, ið hvønn dag gera nógv, sum sæst aftur á føroyskum, Sprotin er tað navn, ið fyrst poppar upp í kavanum. Men við heiðurskrýnda mentanarfrámerkinum, andlát , eru ikki færri enn fýra uppsløg um Bowie á heimasíðuni hjá Kringvarpinum. Tað síggi eg á morgunfonini í ka

Hoyr tekstin lisnan her Í nærum eina øld hava vit sæð falskar myndir úr Russlandi, sum bleiv til Sovjetsamveldið í 1922. Tann, sum var vinur við Stalin, slapp við á myndirnar, og óvinir vórðu strikaðir so hvørt. Í nýggjari tíð hava vit fingið Photoshop, so til ber at gera tað sama sum Stalin. Omanfyri er ein gomul mynd úr stóra Getty myndasavninum, sum danski fotografurin Jørgen Angel (f. 1951) hevur tikið í 1972. Tá spældi Lemmy bassgittar í Hawkwind og sang Silver Machine . Á myndin sæst Lemmy saman eini franskari vinkonu hetta árið. Nú er David Bowie settur inn í gomlu myndina av Lemmy, so sum sæst niðanfyri. Falska myndin er rímiligvís attraktiv og ferðast tí á netinum í løtuni.

Hoyr tekstin lisnan upp við teldutalu, við at trýsta á hesa slóð Soleiðis segði søgulærarin fyri fjøruti árum síðani. Husk, du er en dødelig . Hann var føddur í eini tíð, tá skúlakommisjónin var nærri Gudi enn í dag. Einki kann sum bráðkomin stjørnudeyði fáa okkum at minnast tyktandi orðini hjá gamla læraranum Husk du er en dødelig . Soleiðis teskaði trælurin í oyrað á kappanum, sum í sigursrúsi reið inn í Forum Romanum. Husk du er en dødelig . Frá skúlaborðinum sá eg teir fyri mær á sandinum, reiðmannin og trælin, í gylta himmalvogninum, meðan brúgvin um Streymin enn var í gerð. Husk du er en dødelig skrivaði hann í sandin hesumegin. Hinumegin regnaði. Lukkutíð eru tey ættarlið, ið vuksu upp við rockstjørnum, sloppin fram at mikrofonunum í almannavarpinum. Tað hoyrdist um vikuskiftið, tá Lemmy og Bowie vórði mintir. Hóast ein privatur blaðstjóri í dag kunngerð, at hann vil aftur til andlátini, sum livandi pennar skriva til sín sjálvs, og hansara egna blað kroysti seinasta b

Kári Sólstein avmyndaði teir báðar vertirnar, Høgna Djurhuus og Una Leitistein Hansen, sum við tveimum Jack Daniels sendu beinleiðis úr studio 5 í Útvarpinum í dag Hoyr tekstin lisnan her Í morgun varð fólksins rødd, Also , at hoyra í nýggjum hami. Roynt varð at senda beinleiðis, eins og sendingin higartil hevur lagt upp til - beinleiðis prát saman við lurtarum, innan klassisku leygarmorgunsendingina Rót & Rútmu , sum vælfyrireikað altíð er í eygnahædd við lurtaran. Ikki tí, Also hevur í sínum uppleggi lætst at vera beinleiðis og óklipt. Tað er náttúran og styrkin í hesum formati, slagi av sendingum, at tær eru í beinleiðis sambandi við lurtaran in real time , her og nú. Í morgun hepnaðist væl at rætta upp á henda miss ella skeivleika í sendingini, at fáa prógvaða lurtarakontakt, ið styrkir um sendingina og kanska krevur eitt vet meir at vertinum og innbodnu gestunum, at teir ikki fjanta ov nógv og blíva ov populistiskir. Tað er ábyrgdin hjá vertinum at byrgja upp f

Hoyr tekstin lisnan her Í gjárkvøldið sá eg Shakespearefilmin Macbeth í nýggjari uppseting hjá avstralska Justin Kurzel. Fullur av orðum, sum meistarliga gleppa leikarum av munni, og bora seg inn í skotskar fjallamyndir, meðan tokan dregur fyri og stingur døkka sinnið, sum skorpiónir, blendað av makt. Fullur biografsalur. Fantastiskt. Fyri minni enn hálvtómum sali sá eg í kvøld ótolandi orðastreymin hjá Tarantino í nýggja kovboyfilminum The Hateful Eight . Orð og aftur orð, og innilæstar uppsetingar, meðan tað kavar uttanfyri. Orð og aftur orð. Ein søga so tunn, at tú ynskir at Tarantino fór at gera orðaleysar filmar, tí myndirnar og fokuseringarnar eru so endaleyst vakrar, at orðini bara órógva. Og so hin kuli tónleikurin, sum hann altíð finnur, hin føddi plátuvendarin Tarantino. Men einki er tað uttan pastisjur og sipingar til aðrar filmar. Tim Roth er hin mest komiski, sum førir okkum beint í føvningin á bretsku Monty Python , so eru vit í krimigátuni Ten Little Niggers , so

Hoyr tekstin lisnan her Amerikanski forsetin Obama turkar tár, tá hann í dag tosaði um oyðandi byrsur og vápn í samfelagnum, og um at herða amerikansku vápnalóggávuna . Tað er ikki sæð fyrr. Tí vápn eru ein religión í USA. Frá barnsbeini verður trúttað niður í teg, at tað stendur í øðrum grundlógarískoyti , the second amendment , at amerikanarin hevur rætt at bera vápn. Myndin niðanfyri er úr Texas á ársins fyrsta degi, har børn og vaksin fegnaðust um nývunna rættin at bera enn fleiri vápn á enn lagaligari hátt. Í hesum tíðum, har summi síggja, uppliva og boða frá ágangi frá morgni til myrkurs, tvíhalda tey um, at tað er serliga neyðugt júst nú at dubba seg og síni við nýggjastu og munadyggastu vápnum. Tað halda tey flestu, serliga religiøs, hvít og konservativ, har í landinum. Samstundis fata vit føroyingar hin nýggja heimin sum Guds gávu til frælsi og framburð, ikki minst tá íverksetarin skal smíða sær eydnuna góða. USA er ímyndin av frælsi. Í hvussu er, tá vit koyra á t

Endasenan í filminum Hrútar (Rams) 2015 var eitt sjáldsama gott ár hjá íslendskum filmi og íslendskum filmsfólkum úti í heimi. Ásgrímur Sverrisson, sum rekur óheftu films- og sjónvarpssíðuna Klapptré , hevur í dag roknað seg fram til, at undanfarna ár hava 15 íslendskir filmar fingið ikki færri enn 91 altjóða virðislønir. Tað er ikki hent fyrr, sigur hann og leggur dent á, at talið er næstan tríggjar ferðir hægri enn fyrrárið. Sigurður Sigurjónsson og Theodór Júlíusson í filminum Hrútar (Rams) Í 2015 hendi tað óvanliga, at tríggir islendskir filmar, og ikki bara ein, gjørdu vart við seg á altjóða filmstevnum. Filmarnir eru Hrútar , sum vann 22 virðislønir, Fúsi , ið vann 13 virðislønir og Þrestir , sum vann 10 virðislønir. Gunnar Jónsson er Grímur í filminum Fúsi (Virgin Mountain) Atli Oskar Fjalarsson hevur høvuðsleiklutin í Þrestir (Sparrows) Rúnar Rúnarsson hevur leikstjórnað  Þrestir (Sparrows) Stuttfilmurin Hvalfjörður , sum kom í 2013