Birk

So er teinæringurin Brandur Sigmundarsson komin til Syðurgøtu har G!Festivalur er. Sjálvt hotelstjórin í Havn, Johannes Jensen, hevur fingið sárar árabløðrur í lógvan, sum teir hava kýtt seg. Meðan teinæringurin leggur at og verður drigin upp í dráttin, vísa Guðrið Poulsen og Jóhan Martin Christiansen land art , list í lendinum, fyri gestum á G!Festivalinum. Tað er Vónbjørt Vang, sum hevur skipað fyri gangandi og dialogskapandi bókmentatiltakinum í neystinum.

Í fjósinum hjá Per bonda í Syðrugøtu hoyrdi eg Lyon hjá Jóannes hjá Jakku hjá Marsannu úr Gøtugjógv. Hyggi upp undir loftið, innan ljóssjovið tekur yvir. Jú, hetta er aðalkjarnin í G! Staðbundin autentisitetur. Á einum óvæntaðum stað, at lata upp fyri tí ekseptionelt góða, sum fer út í hvønn krók í Gøtu, upp eftir Eggini, Støðlafjalli og røðunum út eftir allari víkini, og so surfandi innanftur við flóðini. Fjósið, har eg billi mær inn at lukta autentiskt súrhoyggj eina lítla løtu - men kanska vóru tað bara ímyndingarevnini eitt fríggjakvøld - verður til eitt svart vekingarmøti í amerikansku suðurstatunum, lameterandi á klaverið, sum Kurt Weill fyri kríggið í dekadenta Berlin, og hov, var tað nú Tom Waits, ið varð vundin gjøgnum mikrofonina, jú gussdoy, og so reisir hann seg upp, og so er hann Son of Schmilsson, Harry Nillsson, í fullum figuri, leikandi, lameterandi sum eitt gosfjall. Við hvassa rumble-surf gittaranum fer hann longur en Duane Eddy, ja heilt til

Hetta var sýnið aftur við morgunkaffinum á kampingøkinum niðri á kaiini í Syðrugøtu. Signað gjøgnum eina Sigma 35 mm linsu. Betri verður tað neyvan, hvørki løta ella linsa. Og tó. Vendi eg mær hinvegin, so er hetta sýnið út á Gøtuvík, og so inn yvir bygdina, og aftur har. Enjoy!

MØ er navnið á 28 ára gomlu bóndagentuni Karen Marie við eftirnavninum Aagaard Ørsted. Innan hon hevur fortalt, at bókstavirnir MØ eru tiknir púra ópolitiskt úr navninum, so er absolutt greitt, at hon spælir uppá, at hon er ein púra almindilig ungmoyggj, ein MØ, sum by the way eisini hevur hugt eftir Madonnu, men mest hevur lurtað eftir Janet Jackson. Men hvat er hetta fyri ein áhoyraraskari, sum hon skal møta? Haldi, at hon er í iva, tá hon gongur fram á pallin. Men so byrjar egni stílurin, sum øll á Gøtusandi eru samd um. Ikki bara stílurin, men hvør einstakur sangur. Sangirnir hjá MØ. Hon er bara so praktfull, at eg teir oyraproppar, sum eg fái í hondina, siga bara Janet Jackson, men tó eitt norðurlendskt frábrigdi, sum er púra egið. Tað er fjónska moyggin MØ, sum hevur eitt giga sannførandi sjov í tíðarinnar vælvalda anda. Áskoðarafjøldin á Gøtusandi er púra burtur í MØ.