Birk

Miloš Forman á filmstevnu í Karlovy Vary í Kekkia í 2009 (Foto: Pétr Novak) Í gjár andaðist tjekkiski filmsleikstjórin Miloš Forman í USA, 86 ára gamal. Tað skriva kekkiskir miðlar við konuni, Martinu, sum keldu. Síðan hava allir vesturlendskir miðlar og tíðindastovur borið tíðindini. Seinastu árini hava eyguni bilað og ikki bar til hjá Forman at gera film. Hann andaðist heima í Warren, Connecticut. Í 1967 var hann í uppskoti at fáa amerikansku Oscarvirðislønina fyri besta útlendska film, Brandamenn í eldi , úr Kekkia. Greitt var, at filmurin var ein hvøss og atfinnandi viðmerking til politisku støðuna í heimlandinum beint tá. Hann gjørdi sjey filmar í Kekkia, sum blivu forbodnir, innan hann í 1968 flýddi til París og árið eftir til USA, har hann búsetti seg og gjørdist ríkisborgari í 1977. Tílsamans nítjan filmar hevði hann fingið frá hondini, nú hann andaðist eftir stutta sjúkralegu. Kendasti filmur hann gjørdi, er One Flew Over the Cockoo’s Nest (1975) við Jack Nicholson í

So er hann aftur í Havn við sól og tjógvi, Levi Joensen, kjøtkennarin úr Klaksvík undir søluskýlinum í Vágsbotni. Tað er fríggjadagur hin trettandi apríl og hann hongur eitt ærtjógv úr Villingadali á vektkrókin. Tekur muddin fram og freistar meg við eini smakkroynd. Nýklipur hjá Marini, kann eg ikki annað enn kenna angan av góðari glarfitismarmorering og smakkin av búnum myrkum eksotiskum kjøti úr norðasta haga í landinum. - Hetta er ikki úr mínum haga, skundar hann sær at siga, fyri at blíðka Esmar Sørensen, bónda, sum eisini átti tjógvið, eg keypti á sama stað í fjør. Hetta er frá Esmari, sigur Levi. Og so er lærusetningurin við kennarapultin gott og minni gott kjøt. Hann peikar mær á fylluna, sum eigur at vera í góða tjónum, samanborið við minni góða tjógvið, har eingin fylla tykist vera innan undir upp móti hondtakinum, sum havnarmenn siga. Giti tað er músabitin , sum Robert Joensen sigur í Seyðabókini. Eitt lítið poetiskt navn, men er tað, sum mýsnar fyrst løgdu eft

Filmsfelagið fer nú at vísa bestu filmar av nýggja evropiska filmsmarknaðinum. Byrjað verður mikukvøldið 18. apríl kl 20, tá Høgni Djurhuus fer at innleiða hin franska  Happy End, sum er nýggjasti filmur hjá eysturríkska filmsleikstjóranum Michael Haneke. Hann er í dag 76 ára gamal og hin seinasti av teim stóru, sum enn er á lívi. Tað heldur Høgni, og hevur tí játtað at innleiða hesa serstøku sýning, har høvuðsleikarar eru fronsku Jean-Louis Trintignant, sum er 87 ára gamal, og Isabelle Huppert, sum bara er 65. Haneke og Huppert hava samstarvað í La Pianiste í 2001, tá tey vunnu fleiri virðislønir, m.a. tríggjar í Cannes fyri besta avrik tað árið. Annar filmurin í evropisku meistararøðini er hin týski Aus dem Nichts , sum í ár vann Golden Globe virðislønina. Leikstjóri er Faith Akin (f.1973), sum eins og Haneke hevur vunnið fremstu evropisku filmsvirðislønir, millum annað hina gyltu bjørnina í Berlin. Hann er úr Hamburg, men er av turkiskari ætt, sum skilst á navninum. Týska

Nýggi heimildarfilmurin "Zacharias" varð sýndur fyri fullari biohøll í Filmsfelagnum í gjárkvøldið. Ole Wich tók myndina. Nógv fólk úr Fugloy, kona Zacharias og øll systkin hansara, sum eru á lívi, vóru møtt. Ættarfólk og tey, ið stuðlaðu filmsgerðini hjá Teiti vóru eisini møtt. Ein frálík løta við einum hugvekjandi frásøgumanni á útoyggj, fangaður og goymdur á filmi. Formaðurin í Filmsfelagnum heilsaði Teiti og teim møttu m.a. við hesum orðum: Vælkomin til frumsýning við ”Zacharias” sambært Teiti her í Filmsfelagnum. Eg havi hug at knýta ”Zacharias” og filmin um hann, til tað, sum sálarfrøðingar og terapeutar av ymsum slag, kalla mindfulness. Kontemplativt mindfullness. Tað var í árinum 2000 at filmsliðið hjá Teiti savnaðist úti í Hattarvík at gera upptøkur til filmin “Burturhugur”. Filmurin varð frumsýndur á Listastevnu Føroya, sum tá var í Norðurlandahúsinum og úti um landið. Ein av serliga sterku senunum eg minnist var, tá lestur varð lisin í kirkjuni, og so er

Í kvøld verður filmurin "Zacharias" frumsýndur í Filmsfelagnum. Almennar kvøldsýningar verða í biografinum til sunnudagin. Er áhugi, kunnu skúlar síggja filmin um dagin. Ring tlf 311956 eftir kl 14 og avtala eina tíð, sum passar tykkum. Teitur Árnason, filmsleikstjóri, sigur um filmin "Zacharias": - Í hesum nýggja filmi verður nógv fokuserað upp á nærveru, fordjúpilsi, innlivan og sum heild tað tølandi og meditativa við steðgum í ljóði og mynd. Filmurin "Zacharias" varir 65 minuttir.

Alt var betri fyrr er heitið á aktuella satirusjovinum hjá Pipari og Salt, alias Jákup Veyhe, Sjúrður Skaale og Kim Hansen, tónleikara. Starvsfelagin Rói, sum er skjótur at svara aftur, sigur turt konstaterandi: "Og í dag er tað bara ein banki!" Betri verður tað neyvan. Hóskvøldið 22. mars sá eg Pipar & Salt Alt var betri fyrr í Norðurlandahúsinum. Fult hús eins og til hinar sýningarnar, so útvið 10.000 fólk hava sæð sjáldsama satirusjovið. Tær báðar Rebekka, sum er praktikantur og sæst til vinstru í útvarpsgongini niðanfyri, og Rebekka, sum hevði lagt til rættis, høvdu sett Pipar og Salt á skránna í morgunsendingini hjá Útvarpinum í dag . Rudolf Joensen, Kaldbakslærarin og ein av meir enn túsund klaksvíkingum í Havn, sum hann sjálvur sigur, og eg sum ummælandi bloggari, vóru bodnir at ummæla og skifta orð um sjovið. Fyrsta uppgáva frá Rebekkunum í sendistovuni var at taka samanum, hvat riggaði serliga væl og hvat riggaði minni væl. Helt sjálvur, at besta við

Tað var ein fegin Sunleif Rasmussen, sum í dag kundi vísa á Meludia   á føroyskum. Kunngjørt varð úr Mentamálaráðnum seinrapartin, at Føroyar hava gjørt ein trý ára samstarvssáttmála við franska netmiðilin Meludia ,  sum er eitt amboð at læra tónleik við. Fleiri enn 600 royndir eru í tónleikaskipanini, sum Nám hevur samskipað. Ísak Sambleben hevur umsett og Sámal Matras Kristiansen hevur rættlisið. Her síggjast frá vinstru Sunleif Rasmussen, tónaskald og ambassadørur fyri Meludia, Eyðun Gaard, stjóri í Námi, Kevin Kleinmann, forseti í Meludia, Rigmor Dam, landstýriskvinna í mentamálum, Hanna Jensen, løgtingskvinna og franskur konsul, og Bastien Sannac, stovnari og forstjóri í Meludia. Øll tjóðin, tað er fleiri enn 50.000 íbúgvar, og øll tey, sum vitja í Føroyum, fáa ókeypis atgongd til Meludia á netinum í trý ár. Meludia er ein web applikatión, eitt amboð, sum øll kunnu brúka, at fáa eina grundleggjandi tónleikafatan, bara tú hevur eina teldu, sum er íbundin. Skipanin er hin fy

27 ára gamli Vagnur Dam, sum er úr Svínáum, men býr í Noregi, fekk heiðursplássið, tá fjúrtan listafólk í dag lótu upp Várframsýningina 2018, sum felagið Føroysk Myndlistafólk, ið varð stovnað í 1981, so trúliga hevur skipað fyri á hvørjum ári síðan 1990. Talan er um eitt linoprent, ið mátar 289 x 147 cm, hevur kent litblýantar, tussj, oljupastell og akryl, og ber heitið Framtíðin, og korresponderar væl við elsta listamannin, 81 ára gamla Zacharias Heinesen í mótsætta horninum í sama rúmi. Spælandi heitið er kan-din-sky (135 x 150 cm). Millum etableraðu listafólkini er eisini 31 ára gamla Jana Jónhardsdóttir við fýra verkum, sum í tveimum førum eru prent, og í tveimum førum sproytumálaðum gipsi. Vónbjørt Vang, sum er rithøvundur og forkvinna í Rithøvundafelag Føroya, setti Várframsýningina í Listaskálanum, har framsýningin sæst til 29. apríl. Felagið Føroysk Myndlistafólk varð stovnað í Listaskálanum í 1981, og síðan 1990 hava tey skipað fyri sensurera