Birk

Tað er leygardagur og ivaveður í Havn. Ein styrktur franskur seglbátur við spyrjandi heitinum Why liggur inn móti Sjarpholinum á Vestaru bryggju. Tveymastraði báturin er partur av ætlan, sum byrjaði í mars í 2010 undir heitinum Under the Pole . Manningin, ið telur tólv, skal kava og gera kanningar undir arktiska ísinum. Nú byrjar annar partur, sum varar í 22 mánaðir, har kanningar verða gjørdar fram við grønlendsku vestur- og norðurstrondini. Komandi vetur ætlar manningin at steðga á í Naresfjørði millum Grønland og kanadisku Ellesmere Island. Um grundsjónarmiðið við hesum ferðum, ið halda fram í Antarktis í 2016, siga fronsku fyriskipararnir at "l’Arctique est victime du réchauffement climatique, un monde fascinant est en train de disparaître, certaines espèces qui y vivent sont menacées d’extinction. Nombres d’entre elles n’ont même jamais été répertoriées." Hesin krógvaði partur av Havnini hevur spakuliga ment seg til at blíva mest áhugaverda íkast, ein dynamo

Omanfyri sæst finski filmsleikstjórin Aki Kaurismaki (f.1957), sum saman við Lars von Trier (f.1956) man vera hin kendasti í Norðurlondum. Klokkan 17:00 í dag, mikudag 5. februar, sýnir Norðurlandahúsið ein film hjá Kaurismaki og ein annan spildurnýggjan í sambandi við finsku vikuna  Land í eygsjón: Finnland! Filmstiltakið í Norðurlandahúsinum byrjar við stuttum fyrilesturi um finskan film, sum Outi Heiskanen, omanfyri, heldur. Saman við Sif Gunnarsdóttir og trettan øðrum fakfólkum, er hon við í dómsnevndini, ið ger av, hvør fær stóru filmsvirðislønina hjá Norðurlandaráðnum. Fyrilesturin hjá Outi er á enskum. Eftir fyrilesturin verður ein hin kendasti finski filmur í nýggjari tíð, Gentan á svávulpinnafabrikkini (Tulitikkutehtaan tyttö, The Match Factory Girl 1990), hjá stórsta finska filmsleikstjóranum nakrantíð, Aki Kaurismaki vístur við enskum undirteksti. Hann er avmyndaður ovast. Eftir Kaurismaki-klassikaran verður ein spildurnýggjur finskur filmur sýndur klokkan

Hósdagin byrjar risastóra filmstevnan Die Berlinale í týska høvuðsstaðnum, har Sakaris Stóra sýnir stuttfilmin Vetrarmorgun í skránni Generation. Undir hesum heiti kappast 60 spælifilmar og stuttfilmar úr 35 londum í bólkunum Generation Kplus og Generation 14plus. Men enn størri heiður er, at Vetrarmorgun er tikin við í kappingina um heimsins fremstu LGBT filmsvirðisløn, Teddyvirðislønina , sum týski leikstjórin Wieland Speck stovnaði í 1987. “Hetta er ein vakur stuttfilmur, beautiful”, sigur Wieland Speck úr Berlin við Birkblog, nú skráin er komin í fasta legu. “Sakaris er ein dugnaligur filmsleikstjóri. Og hvør veit, kanska vinnur hann Teddyvirðislønina”, sigur hann og grundar yvir Føroyar, sum hann vitjaði í 1989. “Eg haldi ikki, at eg sjálvur havi fatað tað fyrr enn í nátt, hvussu stórt tað er, at ein føroyskur filmur, ein føroysk søga, enntá úr Skopun, er nominerað til eina ta hægstu listavirðislønina í heiminum, tá tað snýr seg um at varpa ljós á umstøðurnar hjá te

Gott samskifti er, tá sendarin sleppur at nema móttakaran við kenslum, sum báðar vegir tola dagsins ljós. Henda einfalda og púra ópolitiska samkiftismynd kom mær til hugs, nú eg sá Golden Cut annan filmin í røðini frá Miklagarði á heimasíðuni stuttfilm.fo.  Eins og fyrsti filmurin, sum var um teilendsku vaskikonuna, Patcharee Areesaman, er hesin filmur ein lýsing av einum starvsfólki í Føroya størsta handli. Avsendarin er greiður og viljin at nema okkum við kenslum úr sama handli er eins greiður. Vit kunnu altið skifta orð um kenslurnar eru ektaðar, ella ikki og um vit nú skulu velja at síggja upp til ella niður á starvsfólkið, sum á henda hátt verður borið fram fyri almenninginum. Soleiðis er við øllum lívsins viðurskiftum. Tað veldst um eygað, ið sær. Í hesum døgum, tá tosað verður um almennan stuðul til listalig avrik, er komið fram, at tey sum gera film, skulu ikki ditta sær at seta serkrøv til metingar av egnari list. Hetta er møsn verður sagt. Eitt stuttligt orð, sum vi

Fríggjadagin tann 31. januar kl 16:00 letur Listasavn Føroya dyrnar upp fyri nýggju framsýningini Fjallasjónir , har Bárður Jákupsson sýnir fram. Í tíðindaskrivi frá Listasavni Føroya verður sagt, at til hetta stórbæra heitið, Fjallasjónir , svarar ein fanfara av málningum við teirra litum og ljósi, teirra kraft og poesi, abstraktión og náttúruíblástri. Flestøll verk á framsýningini eru nýggj, tó eru eisini eldri verk við. Bárður Jákupsson fylti 70 ár í desember, og framsýningin er sostatt ein heilsan ikki bara til listamannin, men eisini til tann køna og ótroyttiliga listamiðlaran og ikki minst, til leiðaran av listasavninum í mong ár: Mr. Faroese Art.  Tá framsýningin letur upp spæla Kristian og Mikael Blak eitt verk, sum er skrivað til eina av myndunum hjá Bárði Jákupssyni. - Uttan mun til runda dagin, er kortini góð orsøk til at hava framsýning við Bárði Jákupssyni, sigur Listasavnið. - Hann hevur longu í mong ár arbeitt við lodrætta landslagnum í berginum sum støði fyr

Í 1980'unum kom frálíka mentanartíðarritið Brá til allar haldarar í landinum. Eitt tíðarrit, sum eisini tók upp aktuell viðurskifti, til dømis á hesi frálíku permu frá 1985, sum Philippe Carré (f.1953) gjørdi av Tinganesi og inn móti Kongabrúnni , sum er heitið á gjøgnumskygdu klippmyndini, sum í vavi er 150x100 cm. Philippe, sum er fotografur úr Fraklandi, hevur skrivað nøkur fronsk orð innan í permuni á tíðarritinum, sum á føroyskum ljóða soleiðis: Hundrað ár frá viði til betong Glas til at síggja ígjøgnum og spegil til at senda ljósið aftur. Rúmd og dýpd aftan fyri framsíðuna í tveimum dimensiónum kemur liturin fram Eftir at hava leitað soleiðis hissini, er hetta einasta listaliga avrik eg finni úr nýggjari tíð, sum á hugfarsligan og sigandi hátt púra greitt lýsir ein úrvaldan part av býarmyndini. Um eina leið letur listaliga avrikið upp fyri søgu, nútíð og framtíð. Og her skulu vit búgva. Eg sakni at listafólk gera gjøgnumskygdar, ella í minsta lagi sigandi myndir, i

Í dag kundu tríggir miðlar boða frá um miðbýin í Havn, norðuratlantisku perluna, sum øll vilja hjúkla um. Fyrsta klipp í Havnarkortið er av heimasíðuni hjá høvuðsstaðnum sjálvum, har upplýst verður, at Tórshavnar kommuna hevur skrivað út arkitektakapping um miðbýin, har allir arkitektar og arkitektavirki í Føroyum eru boðin við. Úrslitið av kappingini verður kunngjørt longu 16. mai 2014, tá øll uppskot verða sýnd fram. Annað klipp í Havnarkortið er av Portalinum, har upplýst verður at ein skúlakapping er skrivað út. Um tríggjar vikur fellur avgerðin, hvørjir skúlanæmingar vinna 30.000 kr í virðisløn fyri bestu uppskotini at endurnýggja miðbýin. Kappingin millum skúlanæmingar hevur til endamáls at gera miðbýin enn meira áhugaverdan fyri tey ungu. Tí hevur kommunan bjóðað teimum framat soleiðis, at teirra áskoðanir og hugskot verða hoyrd. Frálíkt. Men hvat skrivar InFo portalurin nú? Triðja klipp í Havnarkortið er løgtingið, sum leitar eftir skrivstovum í sama miðbýi, sum Kom

Á middegi fríggjadagin var samkoma í Námi, tí fimtan ár eru liðin síðani FirstClass skipanin, sum KT-depilin fekk at umsita, byrjaði at tæna skúlaverkinum. Á myndini omanfyri síggjast tríggir undangongumenn á námsfrøðiliga telduøkinum, sum eg avmyndaði við hetta høvið. Frá høgru eru teir Regin Ellinsgaard, sum var leiðari á KT-depilinum, til depilin gekk inn í nýggja navnið Nám, Hendrik Jacobsen, KT-ráðgevi í Námi og Petur Zachariassen, lektari á Fróðskparseturi Føroya. Teir tríggir komu í ein arbeiðsbólk, sum Eilif Samuelsen, landstýrismaður í undirvísingarmálum, setti 30. apríl í 1998 við støði í einum áliti, Kunningartøkni í fólkaskúlanum , sum KT-nevnd fólkaskúlans eina mánað undan, í mars 1998, hevði lagt fyri landstýrismannin og Undirvísingar- og Mentamálaráðið. Í hesi fyrstu KT-nevnd vóru Petur Zachariassen formaður, Olaus Jespersen, undirvísingarleiðari á Landsskúlafyrisitingini, skrivari og hinir nevndarlimirnir vóru Regin Ellingsgaard, lærugreinaráðgevi í teld, Kurt Madsen