Birk

Leygardagin 27. juni 2009 á middegi varð ein sjáldsamur gongutúrur í Havn. Gogutúrurin var partur av Summartónum og 100 ára haldinum hjá kommununi. Atli K. Petersen hevði skipað fyri gongutúrinum, sum bæði var musikalskur við ymsum tónleikarum og staðbundin við einum góðum ferðaleiðara. Tónleikararnir vóru allir tiknir úr skránni hjá Summartónum og ferðaleiðarin var Bette Johansen. Í góðveðrinum møtti fitt av fólki. Atli K. Petersen lýsir tiltakið soleiðis: Ein gongutúrur í Havn Undir opnum himni samskipar Atli Kárason Petersen eina tónlistarliga ferð í miðbýnum, har gongufólkið, umframt vanligu býarmyndina, fær eina livandi ljóðmynd, sum frá óvæntaðum hornum og skotum tekur støði í tí, Havnin hevur at bjóða innan nútímans tónlist. Ferðin byrjar í Bojsensgarði leygardagin 27. juni 2009 kl. 12:30. Gingið verður við ferðaleiðara, meðan solistar og smærri bólkar, kór og orkestur, spæla og syngja úr óvæntaðum støðum á leiðini. - Tónleikurin fevnir um konventionellan nýggjan føroyskan t

Ovast síggjast spírandi drúvurnar í Boysensgarði. Niðriundir Frelsunarherurin, sum í somu løtu spælir á Vaglinum. Tær báðar niðstu myndirnar eru úr mínum egna drívhúsi í september nøkur ár herfyri (Myndir: Birgir Kruse) Í drívhúsinum í Bojsensgarði stendur eitt vælhildið víntræ. Tað havi eg ikki sæð áður her á landi Gongst sum í øðrum londum er træið búgvið í september og drúvurnar kunnu takast. Men innan mugu tær 'nulrast', drúvurnar. Tað legði ein kona í Danmark mær eina við, ta stuttu tíð eg átti eitt víntræ har. So meðan Frelsunarherurin spælir og prædikar øðru megin Gamla Bókahandil á Vaglinum, so búnast leskiliga víntræðið hinu megin handilin.

Michael Jackson er farin úr tíðini og tey, ið hava keypt sær atgongumerki til mongu konsertirnar í London fáa onga uppliving. Soleiðis er deyðin. Hagar røkka hvørki atgongumerki ella sølumaskinur. Einki kann sum bráður deyði í poppheiminum fáa okkum at hugsa um lívið og tilveruna. Tí bestu poppstjørnur bera okkum boð um lív og virkni uttan íhald. Vit kunnu lurta, hyggja og uppliva, tá vit vilja. Seta fløguna í spælaran, ella leggja gomlu fornisku plátuna undir nálina. Altíð er hann har, tónleikurin, ið ríkar okkum dagin og lívið. Samstundis er henda persónliga uppliving kjarnin í poppídnaðinum. Og fyri at fáa avkast skal upplivingin hvørt ár gerast størri og betri enn hon var í fjør. Tí er poppídnaðurin besta ímyndin av náðileysa kapitalistiska marknaðinum. Sum stjørna skalt tú møta teim krøvum, marknaðurin setir. Eins og fleiri undan honum møtti Michael Jackson hesum beisku krøvum. Sum ein annar Peter Pan hjá Disney ella Oskar í týsku søguni um Blikktrummuna, noktaði Michael Jackson s

So fór 09 niðurum. Áki Davidsen tók ovaru myndina beint sum stóra føðingardagskøkan varð skorin á Skálatrøð. Og hygg hvussu stór hon er, køkan. Niðaru myndina tók Pól Jespersen. Ein góður føðingardagur, persónliga og alment Virksemiskalendarin hjá Tórshavnar kommunu, og kanska eitt sindur av lagnunnar speisemi, elvdi til at eg kundi halda føðingardag á sama degi, sum Mylnan heiðraði Havnina við 100 metur longu køkuni á Skálatrøð. Áki Davidsen kom framvið og tók myndina, meðan eg seti tennirnar í ein morgunbita av 09. Hvørt tað er 1909 ella 2009 er longu farið niðurum. Og so kom Pól Jespersen framvið og fekk eina stuttliga mynd í kassan. Hygg bara omanfyri, hvussu stór hon er. Bæði persónliga og alment gjørdist hetta ein frálíkur dagur í Tórshavnar kommunu. Eftir at hava sungið Boðar tú til allar tjóðir , sum hevur uppruna í Kirkjubø, vóru eisini stundir at vitja í Kollafirði, har vit fingu enn ein góðan føðingardagsbita frá Eiler Fagraklett norðuri í Sundum. Havnin og øll tey fólk, har

Á Tórsfagnaðinum vóru børnini í fokus. Andlitsmáling, krabbar, talv, tónleikur og evnini at raka seymin beint á høvdið. Og so fóru tey vaksnu børnini at ganga túr, halda fyrilestur, spæla hondbólt og brenna bál. Fyri Tórshavnar kommunu hevði Havnar Fimleikarfelag, sum eisini fyllir 100, skipað fyri øllum tí praktiska á Tórsfagnaðinum. Og væl hepnaðist. Veðrið varð til vildar, nakrir góðir sólarglottar, millum annað tá Ólavur Hátun stjórnaði Havnarkórinum. Turt allan dagin, hóast samandrigið og myrkt nakrar løtur. FAROE5 høvdu eitt framúr show, sama kann sigast um Stewies Loveranch, sum er nýggja navnið hjá Ragnar Finnson, Hóps og Ramon, beatboxara. Eisini Meyla, Rógvi Dam og fleiri undirhildu børnunum so tað var ein fragd at vera við. Fólk steymaði til og frá og lagið var gott. Kanska tí at einki kostaði. Her var einki stress. Mest sum einasta bíðirøðin, hon var við gestabókina undir Smiðjuni í Lítluvík, har Kári Svensson hevði eina frálíka framsýning við nýggjum tilfari úr Havn. Út

Soleiðis byrjaði longsti dagur í 2009. Eftir midnátt tók Meta myndirnar úr túninum í Tórsbyrgi. Spennandi at síggja litspælið tílíkar løtur. Ikki minst tá litirnir raka húsafasadurnar og fjallarøðirnar inni í Eysturoynni. Guddómliga sandkornið er fokið av lívsins dansigólvi og hevur sett seg í eygað. Bara eina løtu. Tí nú er longsti dagur, so fer aftur at myrkna.

Úr køksvindeyganum sæst at kampingplássið yvir við Strond er fylt við útlendskum gestum So er summarið komið. Heilt nágreiniliga við Norrønu í nátt. Nakað seinkað kom hon á Havnina um midnáttarleitið og straks rullaðu húsvognarnir inn á kampingplássið yvir við Strond. Mánin skein so lystiliga yvir ein glitrandi kvirran Nólsoyarfjørð. Myndirnar omanfyri eru tiknar í morgunsólini úr køksvindeyganum heima á Tórsbyrgi í morgun. Í fjør avmyndaði eg somu rutu. Tá komu kampingvognarnir 18. juni og tveir dagar seinni vóru teir allir farnir til Íslands. Alt bendir á, at Føroyar eru ov keðiligar fyri fólk í húsvogni.

Mikkjal á pallinum í Tjóðleikhúsinum mentanarnáttina 2009. Niðri undir síggjast teir í SIC saman við Jógvani Arge formanni í Mentamálanevnd Tórsavnar Býráðs og niðast saman við Mouldi Manai, sum bjóðaði teimum at grilla á terassuni eftir væleydnaða konsert (Myndir: Birgir Kruse) Á Tjóðpallinum í Mentanargøtuni setti SIC punktum fyri Mentanarnáttini í Havn 2009. Betri kundi tað neyvan verða. Jógvan Arge formaður í mentamálanevnd Tórshavnar býráðs beyð fólki vælkomnum til hesa sjáldsamu konsertina og teir fimm í SIC royndu at læra Jógvan heavy-rokk teknið við fingrunum. Aftaná eina bæði væleydnaða og vælvitjaða konsert á Tjóðpallinum, rullaði Mouldi Manai grillina fram á La Terasse í grannahúsunum. Úr skakandi bulduri og braki í gamla Meiarínum upplivdu vit terapeutiskan midnáttarhugna hjá Mouldi, har markisur og gassbluss skaptu hita í junikuldanum. Tann reina suðurlendska vælvera. Heilt frá túnabólti við skúlanæmingum og legendariskum old boys í Gamla Kommunuskúlagarði, súkkling fyri m

Í undanbrekkuni fyrsta teinin, vóru førarasúkklurnar gular - e g sjávur og Hans Suni. Síðani síggjast Gunnar og Tróndur leggja lag á hjá súkklarum. Niðast eru flestu okkara avmyndaði í bilhøllini hjá Tekniska Skúla, har tey høvdu dekka upp við frukt og vatni. Ein praktfullur túrur, sum heilt vist verður endurtikin (Myndir: Birgir Kruse) Í góðum verðri í dag, nú mentanarnáttin er byrjað, vóru 50 fólk møtt á Hálsi í Havn. Øll við súkklu. Ørindini vóru at súkkla gjøgnum miðbýin. Tróndur Simonsen úr Súkkluhandlinum í Sundum í Kollafirði greiddi frá um súkklur og súkkluhald og nevndi, at tað ringasta fyri eina súkklu er ikki at verða brúkt. Gunnar Dahl Olsen legði lag á hvussu ein skal tryggja sær at bilførarar vita av okkum og hvussu vit kunnu súkkla trygt í býnum. So løgdu vit til stroks oman eftir R.C. Effersøes gøtu, Bøkjarabrekku, Dr. Jakosens gøtu, J.C. Svabos gøtu, Velbastaðvegnum og so inn í Smiðjugerði, har Arni Clementsen og tey á Tekniska Skúla tóku ímóti okkum við frukt og vatni

SIC á Tjóðpallinum í Tórsgøtu hóskvøldið Teir í SIC gera klárt til stóra biltúrin gjøgnum miðbýin í Havn. Frumframførslan, í ljóði og myndum, verður á Tjóðpallinum á midnátt Mentanarnáttina 2009. Tiltakið er alment og ókeypis. Dyrnar verða latnar upp kl. 23:45. Í skránni fyri tiltakið stendur hetta at lesa: Á miðnátt mentanarnáttina 5. juni 2009 fer bólkurin SIC at framføra eitt tónleikaverk, sum 100 ára haldið hjá Tórshavnar kommunu hevur bílagt. Verkið tekur støði í einum filmaðum biltúri frá R.C. Effersøesgøtu, gjøgnum miðbýin og út á Velbastaðvegin, har kirkjugarðurin er. Tað er landsverkfrøðingurin, ið hevur filmað biltúrin í 1977. Tá tónleikaverkið verður frumframført á Tjóðpallinum verður filmurin sýndur aftirvið. Bílagda verkið hevur fingið heitið ’100 ár – 1000 sár’. Í enskum hami verður tónleikaverkið við á komandi fløguni hjá SIC og fær tá heitið ’Chained & Restrained’. - Eg má viðganga, at hetta er tað feitasta, mest intensa og Sic-asta lagið vit hava gjørt. Tit vildu h