Birk

Dion Pride á Hotel Hafnia og í roykirúminum á Kafé Natúr (Myndir: Birgir Kruse) Sonur Charley Pride, Dion, er nógv frammi innan nýggjan country og alternativan tónleik í USA. Í løtuni er hann ovast á alternativa listanum við sanginum We All Gotta Live Here úr fløguni Ready To Run. Dion fortaldi, at hann hevði spælt við Fats Domino og herfyri hevði sín egna rokkbólk, ið hann kallaði Thor. Tí var hann ógvuliga spentur at spæla í Havnini hjá Tóri, sum hann kendi til umvegis gudalæru, ið hevur hansara stóra áhuga. Dion er avmyndaður við brillum og reyðum turriklæði á Hotel Hafnia. Niðara myndin sýnir Dion í roykirúminum á Kafé Natúr, har eg vísti honum nakrar av LP plátunum við Charley. Hann var ovfarin og hevði ikki sæð hesar plátur áður í so góðum standi.

Størsta løtan í Ítróttarhøllini á Hálsi var ivaleyst tá ið Hallur Joensen og Charley Pride sungu Kiss An Angel Good Morning á enskum og føroyskum. Síðani er Charley avmyndaður saman við Heðini Mortensen og Jógvani Arge, sum vegna Tórshavnar býráð bjóðaði Charley og áhoyrarum vælkomnum til konsertina. Niðaru myndirnar eru tiknar av fremstu røð, mitt fyri pallinum, meðan Hallur syngur úr nýggju fløguni Smile. Charley var serstakliga hugtikin av framførsluni (Myndir: Jákup Simonsen) Tað var ein frálík konsert við øllum Pride'unum í Ítróttarhøllini á Hálsi sunnukvøldið. Tó, Hallur Joensen legði fyri og síðani kom bróður Charley, Stephen Pride, hin yngsti av 11 úr húsinum hjá Pride og teimum. Fimti og seinasti sangurin var ein frálík útseting av George Jones klassikaranum He stopped loving her today . Stuttligt at síggja trummusláaran Derek Spigener í hesum setti, ja alla tíðina. Í berari spæligleði smittaði hann alla høllina. Soleiðis tyktist tað mær, haðani eg seg sat á fyrstu røð, mi

Ein fegin Charley Pride umborða á flogfarinum hjá Atlantsflogi, ávegis til Føroya (Myndir: Birgir Kruse og Asbjørn Knudsen) Á konsert í Dublin, kvøldið fyri Charley Pride kom higar, fekk hann eina gávu og heilsan frá einum føroyskum hjúnum, John og Sólrun, sum vitjaðu har í býnum. Gávan var ein vakur lasargrivin glaskubbi, har ein drongur og ein genta eru avmyndað í tjóðbúnað. Charley vísti gávuna fram umborð á flogfarinum til Føroya.

Jógvan Eli Dam filmar samrøðu við Charley Pride í Sandavágs kirkju(garði) og á Parnassinum á Hotel Hafnia. Mittasta myndin er av Loganflogvøllinum í Dublin (Myndir: Asbjørn Knudsen og Allan Samuelsen) Ávegis til Havnar steðgaðu vit við Sandávágs kirkju. Avtalað var at fáa eitt prát við Charley um andaliga partin í hasara mongu útgávum. Á plátufelganum RCA er tað bara Elvis, ið hevur selt fleiri plátur. Charley dámdi einki at vitja eina kirkju, har gravir eisini vóru. Orsøkin var heilt persónlig og knýtt at mammuni, sum hóast hon átti 11 børn, doyði ung. Men so møtti Charley 11 ára gamla Conradi Dahl Lauritsen úr Sørvági. Saman við ommunu vitjaði hann gravirnar hjá langommuni og langabbanum. Tey fingu eitt hugaligt prát og nógvar myndir. Tá bussurin koyrdi avstað, segði Charley, at kanska fer Conrad at minnast hesa løtu tá hann verður vaksin. Á niðastu myndin fær Charley til gávus fløgusavn um svartar sangarar, ið hava verið frammi innan country. Av hesum er Charley hin størsti. Hann k

Charley Pride er lendur og honum á baki kemur Hallur Joensen í land. Niðri undir síggja vit sonin Dion og beiggjan Stephen. Niðast er tað hin fryntliga Súnfríð, ið skrivar Charley inn á Hotel Hafnia (Myndir: Asbjørn Knudsen og Birgir Kruse) Beint eftir døgurða leygardagin 21. november lendi Charley Pride í Vágunum. Við sær hevur hann orkestur, sonin Dion og bróðurin Stephen. Hallur Joensen, ið hevur Charley Pride sum størstu livandi fyrimynd, var við í flogfarinum. Charley, ið er prátingarsamur og forvitin, spurdi avgreiðslukvinnuna í tollfríu búðini, hvussu hon æt og hvussu navnið úttalaðist. Sonur Dion var serliga fegin um at síggja allar tær gomlu pláturnar, sum føroyingar eiga av pápanum Charley Pride. Hann er avmyndar við gomlu plátunum á Café Natúr, meðan Stephen er avmyndaður á Hotel Hafnia, har tey øll 15 búgva.

Stuttligt at møta aldrandi stjørnuni Charley Pride og sleppa at taka myndir av honum, nær hjá. Hann er 71 ára gamal, frískur og ferðugur. Ovasta myndin er tikin í bussinum til Havnar, meðan sólin setir yvir Vágalandið. Niðaru myndirnar eru tiknar í flogarinum hjá Atlantic Airways úr Dublin til Vágar. Tatoveringina, sum Allan hevur á arminum, dámdi honum einki. - Við mínari myrku húð kann eg jú ikki gera sovorðið, segði Charley og legði beinan veg upp til at tosa um at vera svartur í eini hvítari countryverð. - Call me what you want; I used to be a negro in the sixties, then black, then coloured and then Afro American. So call me what you want, segði ein ertandi og skemtingarsamur Charley longu í flogfarinum.

Húsin á nýggju fløguni 'Smile' hjá Halli Joensen. Hetta er onnur fløgan, hann gevur út. Hóast enskir, hava seks av sangunum føroyskan uppruna Nú er hon her, nýggja fløgan hjá Halli Joensen ‘Smile’. Umframt at Edgar Struble skrivar liner notes innan í húsanum, havi eg eisini fingið heiðurin at skriva nøkur orð. Tey eru her: This is the second album from Hallur Joensen. His first release Pickin’ Time in Nashville (2008), has so far been the fastest selling in Faroese history. Half a century has passed since Faroese pop music was recorded and published for the very first time, especially thanks to the group Tey av Kamarinum . Two years earlier the Faroese broadcasting station, Útvarp Føroya , was founded. Together with local dancing places around the islands they were pioneers and created the base for a new and varied market. If anyone should decorate a Faroese musical package comprising half a century of music with a ribbon in a bow, Hallur Joensen is the right person. Not onl

Ovast sæst filmsplakatin og niðri undir eru tey bæði, leikstjórin Katrin Ottarsdóttir og høvundurin og filmsevnið Jóanis Nielsen, avmyndaði í Klingruni í Norðurlandahúsinum, tá fyrireikingarnar til filmin byrjaðu (Myndir: Pressumynd og Birgir Kruse) Hóskvøldið 3. desember 2009 kl 20:00 frumsýnir Katrin Ottarsdóttir filmin Sporini vaksa úr orðum á Meiarínum, Tjóðpalli Føroya. Filmurin, sum lýsir Jóanes Nielsen, varir 75 min. Frumsýningin er partur av 100 ára haldinum hjá Tórshavnar kommunu. Katrin Ottarsdóttir hevur áður gjørt filmar um listamenninar Hans Paula Olsen og Tórodd Poulsen, sum eins og Jóanes eru úr Havn. Eins og í hesum báðum førum verður nýggi filmurin Sporini vaksa úr orðum at fáa á DVD við eyka tilfari. Katrin Ottarsdóttir um filmin: Sporini vaksa úr orðum man vera íbirtur av mínum egnu fordómum um Jóanes. Hesin álvarsami maður, sum altíð hevur verið ein partur av býarmyndini í Havn - antin á prutli ella í djúpum tonkum við hondunum handan bak gjøgnum havnargøtur. Ival

Charley Pride og sonurin Dion. Eins og bróðurin Stephen fara teir at syngja og spæla á pallinum í Ítróttarhøllini á Hálsi (Pressufoto) Sunnukvøldið 22. november 2009 kl. 18:00 fer Charley Pride á pallin í Ítróttarhøllini á Hálsi í Havn. Samstundis hevur Hallur Joensen útgávukonsert við einum nýggjum føroyskum Charley Pride sangi. Tað eru HB-Stuðlar, ið skipa fyri stóru countrykonsertini, har eisini beiggi Charley Pride, Stephen, og sonurin Dion, fara at framføra egnar sangir. Eins og snella, lívflýggj og hýsa, er navnið Charley Pride ein inngrógvin partur í teirri føroysku orðabókini, sum enn livir millum grótlagaðar permur á bygd. Ja, vit kunnu fara innar í kovar í somu langfarabygdum og finna Charley Pride millum salt, grýn og aðra húsarhaldsvøru. Tí tað er júst tað, ið Charley Pride er í Føroyum – húsarhaldsvøra. In the Middle Of Nowhere á sjógvi og landi, her vit royna at búleikast. Tað vóru langfaramenn, sum longu í sekstiárunum góvu okkum ikki bara fisk, men eisini dagsins gramm

Sálmabókin kann longu lesast á netinum og heimsins størsti bókahandil Amazon sendur 'Kindle' á marknaðin við enskum elektroniskum bókum. Frá 'Kindle' er ikki langt til 'Vitan', sum nú skal umsita bøkur og tøkni til føroyska skúlan Í barnaskúlanum plagdu vit at spæla okkum við orð og orðatøk. Tá tey vórðu sett saman eftir okkara høvdi, góvu tey onga aðra meining enn at vera eitt orðaspæl, ið var púra okkara egna.  Í teimum tíðum mundi sálmabókin vera longst frá okkara lesnaði. Í vælmeintum pedagogiskum hondum var hon hat-objekt nummar eitt. Tá ilskir lærarar undir stirvna morgunsanginum spurdu hvar sálmabókin var, yptu vit øksl og hildu fyri at mann skuldi havt eina elektroniska sálmabók. Tí har lá framtíðin, vóru vit sannførdir um, í elektronikkinum.  Fjøruti ára gamla surrealistiska orðamyndin er vorðin veruleiki. Nú kunnu vit taka elektronisku sálmabókina til okkara, leita í henna og finna orð, evni, tekstarøð og yrkjarar í allari bókini. Og Bíbliuni eisini

Leygardagin varð marsjerað úr salinum hjá Frelsunarherinum í Tórsgøtu og niðan í nýggja Herbergið á Dalavegi 1. Nógv fólk møtti og øll vóru fegin um átakið í endurreista Kagganum (Myndir: Birgir Kruse) Leygardagin varð nýggja Herbergið hjá Frelsunarherinum tikið í brúk á Dalavegi 1. Ein hátíðarlig løta, sum í Havnargøtum er fylt við symbolikki. Fyri hálvari øld síðani hildu mormonar til á somu grund. Helst vóru teir bara menn. Men ein granni, sum búi longur niðri á Dalavegnum, mintist at norska Jórun búði á loftinum og onkuntíð opnað vindeygað, at syngja norskar sangir yvir Havnina. Kanska ein fyrijáttan um norsku rótina í Frelsunarherinum, sum nú er gróðursett á sama staði. Men ímillum hesar hendingar er rúm tíð, har hølini hava hýst ølklubbanum Kagganum. Ella frítíðarfelagnum , sum telefonbókin segði. Tá Kaggin fór á heysin, keypti Frelsunarherurin hølini. Men plágurnar vóru ikki av fyri tað. Eins og í Gamla testamenti kom vatnflóðin og skolaði alt úr kjallaranum. Og mong ár innan he

Avmyndaður í Rás2 eina djúpa løtu meðan tosið er um coyntrytónleik og fiskiskap. Hallur Joensen bíðar uttanfyri. Verturin situr fyri borðendanum... Fríggjadagar er nýtt Vikuskiftisblað í Sosialinum. Blaðið setir nýggjan grafiskan standard. Mett saman við nýggjastu útgávuni av blaðnum Kvinnu eri eg sannførdur um at grafiska vinnan hevur tikið seg nógv fram í Føroyum. Og í hesum føri ikki eitt orð um innihald. Burtursæð frá at eg sjálvur sleppi at brúka meg um miðlar í nýggja Vikuskiftisblaðnum. Tað gjørdi eg forrestin longu í 1987, tá eg ummælti sjónvarp í Sosialinum. Siktið við dagsins fjølmiðlaspurningum er, sambært ritstjóranum Innu Tornroos, at fáa eygað á hvat er vert at brúka tíð uppá í miðlunum. Her eru so míni boð: Dag- og vikubløð Lesi Sosialin og Dimmalætting á netinum, mest sum aldri í blaðformi. Heimasíður Eg eri alla tíðina á flestu føroysku portalum og heimasíðum. Havi Google sum startsíðu og brúki onkrar dagar nógva tíð at skriva í mín egna blogg. Tað velst um evnið. Tó

- Munnu tey vera glað? Ovast sæst mynd úr Sosialinum, sum Jens Kristian Vang tók. Niðanfyri sæst mynd úr Dimmalætting, sum Alan Brockie tók. Báðar myndir eru úr viku 43. Mangur man undrast, hvat fyriferst á tíðindafundum. Í vikuni vóru í hvussu er tvær myndir, sum bendu á at tíðindaarbeiðið er lítið hugaligt. Í fyrra førinum var tað Sosialurin, sum hevði eina mynd av trimum brúnasíðum luttakarum á tíðindafundi hjá Tórshavnar býráð. Í seinna førinum er fundur á Dimmu, har hummaramálið er fyri. Journalisturin, sum er í miðdeplinum, er samdur við Birgari á fyrri myndini. Hann ynskir seg langt burtur. Jú, ein mynd kann siga meiri enn túsund orð. Hesa tíðindavikuna varð tað staðfest tvær ferðir...

Lars von Trier framman fyri uppslagnum um norðurlendsku filmsvirðislønina (Pressumynd) Í dag kunngerð norðurlendska dómsnevndin, hví hon letur danska filmin Antichrist fáa virðisløn sum fremsti norðurlendski filmur í ár: ”Lars von Triers Antichrist är en vild, visuellt vacker och chockerande våldsam film om sorg, vrede och skuld. Filmen är störande och rörande i sin utforskning av kaoset som invaderar de två huvudpersonernas liv efter att deras unga son har dött. Detta är en passionerad berättelse om känslornas och naturens irrationella krafter som varken förnuft eller kognitiv terapi kan bemästra. Den raserar gränserna mellan den inre och yttre verkligheten när den tränger djupt in i personernas innersta väsen. Med en total frihet i sitt uttryck iscensätter Lars von Trier parets mar/dröm så exakt som möjligt och spelar skoningslöst på rubbningen av den ömtåliga könsbalansen i deras förhållande. Med perfekt bildspråk, utmärkta skådespelare och en mångfald kulturella referenser placer

Willem Dafoe mannligi høvuðsleikarin, Lars von Trier leikstjórin og Charlotte Gainsbourg kvinnuligi høvuðsleikarin í 'Antichrist' (Pressumynd) Danski leikstjórin Lars von Trier fær Norðurlendsku Filmsvirðislønina í ár. Tað kom fram í ymsum norðurlendskum miðlum í dag, dagin fyri at úrslitið verður kunngjørt. Sjálv handanin verður 27. oktober 2009 í Stockholm. 350.000 krónur fylgja við virðislønini. Virðislønin verður latin fyri filmin "Antichrist". Við Politiken sigur hin altíð ertandi Lars von Trier, at "De andre film må eddermame have været dårlige, hvis min film er den bedste i Norden i år". Men álvara tos, hann er taksamur, dagsins Trier. "Faktisk er jeg meget glad for, at det netop er en Nordisk pris. Jeg føler mig meget tæt knyttet især til Norge og Sverige, hvor jeg har hentet megen inspiration hos Henrik Ibsen, Edward Munch og August Strindberg og inden for filmen er svenskerne Ingmar Bergman og Bo Widerberg klart på min top ti". Í útvarpss

Ovast sæst Willem Dafoe sum mannligi høvuðsleikarin í nýggja filmi Lars von Triers 'Antichrist'. Niðri undir sæst kvinnuligi høvuðsleikarin Charlotte Gainsbourg við ársins gyltu virðislønin í Cannes. Til høgru er maður hennara Yvan Attal, sum eisini er sjónleikari (Pressumyndir) Upprunaliga skrivað 24.5.2009: Fyrr í vikuni hoyrdi eg Ólav Hátún velja heimligar felagssangir í Útvarpinum. Ein teirra var ‘Vit hoyrdu várið kalla’. Djúpt erotiskur sangur eftir Karsten Hoydal (1912-1990), sum sjálvt fínarumpur úr Havn kunnu syngja í sjávinistiskum mannfólkaveitslum langt burturi á heiðini. Hesin sangur kom mær til hugs, tá eg gekk út úr Dagmar biografinum í Keypmannahavn í kvøld, har tey júst høvdu víst nýggja Trier-filmin ‘Antichrist’ (2009). Í botn og grund eru sangur og filmur um sama ítøkiliga evnið. Kjøtiliga sambandið millum mann og kvinnu, hildið upp móti ótamdu náttúruni. Ein frásøgn um ta keldu, sum lívið streymar úr. Munurin er bara premissurin, og so estetikkurin og hvussu

Edward Fuglø hevur allar orsøkir at verða væl nøgdur í dag. Her er hann avmyndaður undir myndrondini "Yvir heiðar, gil og vøtn" í miðhøllini í skúlanum við Løgmannabreyt. Niðast er hann á brúnni saman við Jógvani Arge og Heðini Mortensen (Myndir: Birgir Kruse) “Yvir heiðar, gil og vøtn” er heitið á nýggjum listaverki eftir Edward Fuglø, sum er ein myndrond, ið fer um allar veggir í miðhøllini í nýggja skúlanum við Løgmannabreyt. Jógvan Arge heilsaði Edward og samkomuni, sum var í skúlanum í dag, við hesum orðum: Fyri Tórshavnar býráð skal eg bjóða tykkum at verða vælkomin higar í skúlan við Løgmannabreyt, nú vit á fyrsta sinni sýna fram tað stóra listarverkið hjá Edwardi Fuglø. Hesin skúlin ber av øllum, sum Tórhavnar kommunu hevur tikið upp á seg, og einastandandi fyri hesa verkætlanina er, at hetta er fyrsta bygging, har hálvtannað prosent av byggikostnaðinum verður brúkt til listarverk, sum er arbeitt inn í bygningin. Listarliga arbeiðið verður umsitið av Listabólkinum í T

Atongumerkini eru tryggjaði til konsertina við Charley Pride í Ítróttarhøllini á Hálsi sunnukvøldið 22. november 2009 klokkan 19:00 (Myndir: Birgir Kruse) Hvat er at vera bygdasligur? Er tað neiligt ella jaligt? Í dag kom eg nærri einum svari. Tí eg kendi meg bygdasligan í nýggjum ljósi á einum óvæntaðum staði. Tað var, tá eg í slavnari toku fór niðan í Gundadal at keypa mær atgongumerki til Charley Pride konsertina í Ítróttarhøllini á Hálsi. Í sjálvum sær eitt afturhvarv til dansistovuna á Eiði og vónleysa lívið millum túrarnar hjá langfaramonnum á bygd. Statoilstøðin selir dagsins atgongumerki. Fyrr æt fyritøkan Esso og á Eiði var hon umboðað av Óla í Pálstovu, sum niðri á Hamri seldi bensin fyri 2,05 kr liturin. Articon, ið er ein av fáu fyritøkunum, sum bjóðar arbeiði til føroyskar hendur í dag, umvælir støðina í Gundadali. Hon er flutt í eina grillbarr, har angin av stoktum pylsum stendur ramur í nasarnar, tá eg tríni inn um. Úr útvarpslurtinum hoyri eg Øssur Winthereig siga nøkur