Birk

Føroyski filmurin hjá Mariu Winther Olsen, "Nina" , verður sýndur á 60. filmstevnuni í Lübeck í ár. - Hon er millum sterku kvinnurnar úr Norðuratlantshavi í ár, sigur stevnuleiðslan á tíðindafundi: - There’s no shortage of strong women from the North Atlantic rim either - Isold Uggadóttir from Iceland with “And Breathe Normally” (Andið eðlilega), and Maria Winther Olsen of the Faroe Islands with “Nina”. And not to slight the Baltic states, where a new generation of female directors is making its mark. From Lithuania, Giedrė Beinoriūtė presents “Breathing into Marble” (Kvėpavimas i marmura) and Marija Kavtaradze gives us “Summer Survivors” (Vasara), while Moonika Siimets, the director of this year’s opening night film “The Little Comrade” (Seltsimees laps) is from Estonia. Tilsamans 199 filmir verða sýndir á stevnuni, sum byrjar 30. oktober og endar 4. november í ár. Í 1989 fekk Katrin Ottarsdóttir fremstu virðisløn í Lübeck fyri fyrsta føroyska spælifilmin "At

Við støði í eini Andøvsløtu á sendistøðini R7, sum eisini hevur havt Jóan Paula í Geil í gestarúminum í enn snedigaru sendingini Metis , eru privatpersónarnir Pauli Trond Petersen og Erling Eidesgaard blivnir so mikið stoyttir, at hin fyrri brúkar mikrofonina í løgtinginum, har hann er valdur at gera lógir, og hin seinni meldar á politistøðini, sum ein og hvør borgari eigur at gera. Markið er nátt og nú tala vit at, siga teir báðir sum virknir borgarar í einum fólkaræðisligum samfelag. Báðir hava framført greiðar orsøkir til júst at tala at. Eftir at frálíka útvarpssendingin Pressan , sum freelancarin Øssur ger, eisini tók evnið upp næstsíðsta fríggjadag, er landstýriskvinnan við ábyrgd fyri miðlum og miðlastuðli gestur í týdningarmestu kringvarpssendingini, Degi og Viku í kvøld. Hon er týðuliga indignerað um haturstaluna í umrøddu sendistøð. Eins og tjóðveldismaðurin á tingi vil hon hyggja nærri at sendistøðini, hennara loyvi at senda og grundarlagi fyri at fáa miðlastuðul yv

Havsins fruktir er lokkandi heitið á Barbara Fish House, sum fríggjakvøldið hevði fasta matskrá. Fyrimyndin er úr fronskum, Les Fruits de mer , ið sipar til el marisco , sum spaniólar kalla skeljadjór úr sjónum. Ein hugmynd, sum vit best kenna úr bóndans haga, og sum fevnur um tað, ið hagin kastar av sær, og borðið kann bera um heystið. Síðan aldarskiftið hevur matgerðin flutt seg, og ikki sjálvdan tengja við hugtakið list afturat henni, so vit fáa matlist á borðið. Býtt út á trý evni, skeljafiskur, heystskurður og bankatoskur, skipa matstovurnar Heima í Havn fyri temakvøldum. - Endamálið við hesum fríggjakvøldum er at hækka gastronomiska støðið hjá kokkum, tænarum og hjá gestunum, soleiðis at tilvitið um góðar, burðardyggar føroyskar rávørur økist, og øll í felag menna gastronomisku kollveltingina her á landi, siga Johann Mortensen, stigtakari, og John Mikkelsen, matstovuleiðari, sum bjóðar innar. Kokkur í kvøld er Kári Kristiansen úr Kollafirði. Tá móðurmálsdagur var h

Norðurlandahúsið skipar aftur fyri Geytanum leygarkvøldið 23. februar í 2019, tá nýggjastu føroysku stuttfilmarnir verða sýndir og tvær filmsvirðislønir, Geytin og Áskoðaravirðislønin, verða handaðar. Í tíðindaskrivið í dag sigur Norðurlandahúsið, at Geytatiltakið er heilt vist best eydnaða átak at varpa ljós á nýggjan føroyskan stuttfilm. Nýggj nøvn leggjast til á hvørjum ári, og tey, sum fyrr vunnu Geytan, eru nú farin undir størri filmsætlanir, fleiri í fullari spælifilmslongd. Um forsøguna til Geytan verður sagt, at tað var stjórin í Norðurlandahúsinum, sum heitti á formannin í Filmsfelagnum at menna konseptið við einum filmskvøldi. Í samráð við familjuna varð navnið Geytin valt. Niðanfyri sæst abbasonurin, David, sum eftir uppskoti, frá mammuni, Astrid, tilvirkaði standmyndina. Tiltakið, sum skuldi vísa eitt úrval av aktuellari føroyskari filmsgerð, varð fyrstu ferð hildið undir navninum Geytin í Norðurlandahúsinum fyri jól í 2012. Eina tíð vóru trettan

Hóast myndin er hvítarussisk, eru dagsins gleðiboð úr Føroyum, at nú verður fyrsti filmurin í spælifilmslongd hjá Sakaris Stórá,  Dreymar við havið, frumsýndur í USA. - Tað verður á altjóða filmsstevnuni Woodstock, USA, sigur framleiðarin, Jón Hammer, í dag. Myndina omanfyri tók hann á Northern Lights filmsstevnuni í Minsk í Hvítarusslandi í apríl í ár. Her er brot úr skránni fyri nítjandu filmstevnuna í Woodstock, har norðuri í New York í USA: Alternativa amerikanska filmsstevnan í Woodstock hevur nítjan ár á baki, og er kend fyri at leggja dent á sjálvstøðugan, independent , film. Í 2014 varð stuttfilmurin Vetrarmorgun hjá Sakaris Stórá sýndur á somu stevnu. Árið fyri hevði Meira Blaustein, sum er knýtt at Woodstockfestivalinum, verið altjóða Geytadómari í Norðurlandahúsinum. Her sæst hon saman við Bjørn Kalsø, landstýrismanni við mentamálum. Dreymar við havið luttekur saman við sjey øðrum filmum í World Cinema kappingini í Woodstock, sum er sami staður, har The Band s

Í dag lukkaðist at fáa eitt dism av nýfalnum kava millum fingrarnar. Tað var undir Sornfelli, so langt niðan tú sleppir í bili. Vegurin fer í tvey, annar heldur fram niðan í Sornfelli, og hin fer til høgru, har til ber at parkera, ganga longur niðan á, ella bara njóta sjónina henda kalliga síðsummarsunnudag við liggjandi támi og skiftandi ljósi í allar ættir. Hóast nógv ferðafólk er á vegnum, onkur súklari eisini, so er vegurin mosagrógvin, har skeltið bannar almennari ferðslu. Umframt norðurlendsk ferðafólk eru eisini ferðafólk úr Eysturevopa í føroyskum leigubilum. Útsýnið vestur í hav, yvir Vágafjørð, Vestmannasund og Vágar, og niður í Gjáarbotn, er framúr. Sama er norðureftir. Ein frálíkur útsiktspallur hjá ferðafólkinum, sum vil ein stuttan avstingara úr Havnini. So er at parkera og ganga stutta teinin niðan móti inngongdini til gomlu støðina hjá Nato og donsku loftverjuni á Sornfelli. Eg velji at halda, at forboðsskeltið á vegnum bara galt bilar.