Birk

Myndir: Birgir skrivar seg inn hjá Google. Kristoffer Evensen tekur ímóti og bjóðar døgurða í grøna garðinum. Unn og Kristoffer skifta orð um teldutøkni og arbeiði um landamørk. The Growing Connection er heitið á verkætlan um mat, umhvørvisvernd og orku. Reyðu dyrnar føra lúkst innar til teir báðar, ið stovnaðu Google. Modell av rúmdarskipinum Galactic. Birgir og Kristoffer siga farvæl (Myndir: Jógvan og Birgir Kruse) Meðan flestu føroyingar gjørdu seg klarar til midnáttarsangin á ólavsøku, vóru vit á vitja hjá Google í Mountain View í Silicone Valley. Hetta er høvuðsborgin hjá Google, nevnd GooglePlex . Fyriktøkan, ið er heimsins sterkasta brand, hevur tíggju ár á baki. Bara á hesum staði starvast 6000 fólk. Kristoffer Evensen hevur boðið okkum á vitjan. Hann er úr Oslo, men arbeiðir hjá Google í Dublin, har hann er leiðari av partnership-deildini. Í løtuni verða útvið túsund føroyskar skúlabøkur, sum Føroya Skúlabókagrunnur varar av, lisnar inn, so tær kunnu takast fram í skipanini ...

Í Napa Valley er 154 víngarðar skrásettir í telefonbókini. Allastaðni tú koyrir, síggjast vínmarkir. Fleiri yngri og nakrir eldri, nógvir smáir og nakrir risastórir. Elstur, sum enn er í gongd, er Beringer í St. Helena. Mest spektakuleru eru helst teir hjá Mondavi og Francis Ford Coppola og besta útsýnið hevur Sterling

Hóast tað ikki rørdist ein ond, fall eikin, Leaning Oak , í Sankta Helena í gjárkvøldiðið. Í meiri enn 200 ár hevur krókuta eikin staðið aftanfyri stásiligu húsini hjá Beringer og teimum, sum í meiri enn tvær øldir hava rikið elsta virkandi vínbóndagarð í Napa Valley. Beringer hevur eina røð av vínsløgum, ið bera frámerkið Leaning Oak . Kanska verður júst hetta heiti spennandi nú eingin eik er til.

Tvey spennandi vín, vit royndu á Hotel St. Helena og Cindy's Backstreet Kitchen í býnum St. Helena, vóru ein primitivo frá Hendry í Yountville og ein sangiovese frá Shypoke í Calistoga. Ymisk, men bæði ógvuliga rík og mettaði í smakki. Hesar drúvurnar eru dyrkaðar norðast og sunnast í Napa Valley.

So eru vit komin norður í Napa dalin, ið er so víðagitin fyri vín. Vit koyra í einum rúmligum Chrysler Van frá bilaleigufelagnum Dollar. Vit steðgaðu fyrst í lítla vakra býnum Sausalito, har myndin av Birgir er tikin. Síðani steðgaðu vit í Yountville í Napa Valley at keypa mat til dagin og vegin. Lokali handilsmaðurin, Bruce, viðmælti okkum eitt serligt lokalt vínmerkið, Handley , ið dyrkar italsku Primitivo drúvuna. - A strong Zin , sum hann segði. Innivist fyri náttina hava vit funnið longur norðuri í lítla vínbýnum St. Helena á hotellinum við høvuðsvegin, The St. Helena Hotel , ið hevur virkað síðani 1881. Hotellið er eyðkent fyri stóra dukkusavnið, sum fyrsta vertinnan átti. Hon er langt síðani deyð og dótturin rektur hotellið víðari. Í reseptiónini tók fryntliga Catherine ímóti okkum og gav okkum bestu rúmini, hotellið átti - the Lilly Langtry Suite . Til høgru á diskinum stendur ein 80 ára gomul Shirley Temple dukka. Í forhøllini er internet, har Jógvan og Hanus royna sambandið....

Á hotellinum St. Helena Hotel stendur ein Shirley Temple dukka í ljósabláum kjóla í móttøkuni. Dukkan hevur frámerkið um at hon er ekta. Eyðkenni fyri hotellið er stóra savnið av amerikanskum dukkum, sum konan, ið upprunaliga átti hotellið, hevur savnað. Dóttur hennara rekur nú hotellið.

Balclutha, seinni The Star of Alaska er bygd úr stáli í Glasgow 1886. Jógvan og Hanus ganga á dekkinum. Langt er frá marglætinum hjá skiparanum og niður til The China Gang (Myndir: Birgir Kruse) Á havnarlagnum við pirarnar í San Francisco, The Fisherman's Wharf , eru gomul skip og bátar varðveitt og verða sýnd fram. Eitt skip, Balclutha , bygt úr stáli í Glasgow í 1886, lýsir arbeiðarasøguna hjá kinverjum, sum í 1850'unum komu til Amerika. Teir vórðu róptir The China Gang og viðurskifti teirra vóru lýst sum A Little Better Than Slavery . Skipið sigldi við korni úr Kalfornia til Onglands, og koli aftur til Kalifornia. Seinni, tá skipið fekk navnið The Star of Alaska, varð siglt millum Alaska og San Francisco við laksi og øðrum farmi.

Hanus, Jógvan og Birgir við inngongdina til elsta Chinatown, sum ikki er í Asia - tað er tann í San Francisco. Her eru handlar, loppumarknaður, matstovur og hús, ið síggja út, sum vóru vit í Kina (Myndir: Unn og Birgir Kruse) Um miðju nítjandu øld vóru so nógvir kinverjar í amerikansku býunum, at amerikumenn fóru at kalla býlingarnar, teir búðu í, C hinatowns . Elsti Chinatown, uttanfyri Asia, er tann í San Francisco. Tað var í 1850’unum at kinverjar komu higar at leita eftir gulli og byggja jarnbreytir. Um 1910 gjørdist býlingurin Chinatown eitt spennandi ferðamál og er í dag ein ferðafólkamagnet við handlum og matstovum. Her endar ein røtt máltið við eini fortune cookie . Køkan varð uppfunnin í Chinatown, San Francisco

Tibetanskir studentar í Berkeley mótmæla stillisliga og virðiliga at Kina er í Tibet (Myndir: Birgir Kruse) Fríggjadagin fóru vit yvir um fjørðin við sundaferjuni til Oakland og so norður til Berkeley, har Hanus og Jógvan skuldu til konsert við Stone Temple Pilots. Konsertstaðurin var the Greek Theatre á campus økinum í býnum. Við 30.000 lesandi hevur Berkeley megnað at loyst seg úr hippie rørsluni, sum endaði í eini hasj toku í Height Ashbury. Berkeley kundi endað í somu støðu, men valdi eina aðra og meiri vitborna leið. Tí savnast lesandi úr øllum heiminum í hesum býi, sum er lestrarbýur burturav. Á torginum, Berkeley Square, vóru tibetanskir studentar savnaðir at mótmæla kinesiska ágangin í teirra heimlandi. Byrjað varð við tibetanska tjóðsanginum og síðani var ein felags bøn um frið í Tibet borin fram. Niðast til høgru á hesum bloggi ber til at finna meiri um studentar, ið vilja eitt frælst Tibet.

Ovast síggjast bremsurnar, sum eru úr træi; síðani ein sporvognur í brekku; førarin, ið greiðir frá hvussu hann stendur á bremsunum og niðast Jógvan og Hanus umborð á fylta sporvogninum (Myndir: Birgir Kruse) Sporvognarnir, the Cable Cars, í San Francisico eru elligamlir. Teir koyra oman og niðan eftir brøttu gøtunum frá miðbýnum og oman til Fishermans Wharf. Førarin stendur á bremsunum, sum eru úr træi. Tá hann bremsar sum í harðast, luktar av brendum træi.

Likka á biltekju í havnarbýnum San Francisco, smábátahavnin, feskir krabbar og Hanus við krabbamáltíð, tá hann uppdagaði at nøtubrótari av røttum er ein krabbabrótari (Myndir: Birgir Kruse) San Francisco er havnarbýur. Fornminnissavnið sær til at søguligir bátar og skip verða varðveitt og sýnd fram. Úr smábátahavnini eru útferðir at fiska og síggja fangaoynna Alcatraz við Golden Gate brúnna. Krabbar verða avreiddir í kassum og á matstovum kunnu teir njótast á ymsan hátt. Sum í øllum havnabyum eru likkurnar naskar.