Birk

Í dag var móttøka og fráfaringarsamkoma í Kringvarpinum, tá Annika Mittún Jacobsen formelt segði farvæl eftir hálvfimta ár í heita stjórasessinum og Dia Midjord, sum í ellivu ár hevur starvast á tíðindadeildini í Útvarpinum, tók við stjórastarvinum í Kringvarpinum. Stjórastarvið er áramálsett til fimm ár. Formaðurin í Kringvarpsstýrinum, Rúni Heinesení, segði nøkur orð, eins og nýsetti aðalstjórin í Mentamálaráðnum, Poul Geert Hansen, bar nøkur orð fram vegna ráðharran í mentamálum, Bjørn Kalsø, sum er í London á olympiadu. Annika fekk til gávus eitt stórt, reytt-svart prent eftir Hansinu Iversen. Annika er longu farin í nýtt starv sum økisleiðari hjá Scandinavian Data Central í Ballerup. Hon er útbúgvin cand. merc. dat í búskapi, kunnigartøkni, og leiðslu á Handelshøjskolen og CBS í Keypmannahavn. Hon kom úr deildarleiðarastarvi í Eik Banka, har hon hevði verið í fýra ár og innan hetta var hon verkætlanarleiðari og samskipari í stóru finsku fyritøkuni Pohjola, har 3400 fólk s

Nei, tað verður aldri sum eg kundi hugsað mær tað. Júst so, sum videofilmurin í tilboðskassanum hjá Reyða Krossi í Vágsbotni sigur. Einki. Det blir aldrig som man har tænkt sig . Heldur ikki gomlu vhs bondini og øll tøknin, sum hvønn dag fer í gloymskuna. Eg leggi filmin aftur í tilboðskassan mitt millum agn og bátar undir Bryggjubakka í Central Tórshavn, sum flotta og nýteknaða talvan niðanfyri sigur. Og ikki havi eg meir enn vent mær at avmynda informativu talvuna millum altjóða bátarnar í Vágsbotni, so er sólin frammi og eg má taka allar tær gráu myndirnar umaftur, filturleysar mitt í Havn. Kanska var gamli tilboðsfilmurin hjá Reyða Krossi eitt tekin um, at einki verður nakrantíð so, sum ein kundi hugsað sær. Ein minuttur og eitt skýggj eru millum filturleysu myndirnar niðanfyri, tvær og tvær, fyrst inneftir, so úteftir. Jú, Føroyar eru eitt fotoparadís, eisini omansjóvar, semjast Ingi Sørensen og eg skjótt um á bryggjuni.

Havnar Bio sýnir eina røð av nýggjum og forvitnisligum heimildarfilmum undir heitinum DOXBIO. Næstur í røðini er Searching for Sugarman , ið er søgan um gátufulla sangaran Rodriguez, sum stóð upp frá teim deyðu. Filmurin verður sýndur mikukvøldið 3. oktober UM FILMIN Á eini barr í amerikanska bil- og tónleikabýnum Detroit, síðst í sekstiárunum, løgdu tveir kendir tónleikaframeiðarar merki til sangaran Sixto Rodriguez. Teir vórðu hugtiknir av fangandi løgunum og profetisku tekstunum. Úrslitið gjørdist ein LP pláta, sum teir skipaðu fyri í teirri trúgv, at Rodriguez fór at verða nýggja og týdningarmesta sangstjørnan hjá øllum, ið keyptu plátur, nú og komandi. Men einki hendi. Rodriguez hvarv og søgur fóru at ganga um, hvussu hann beindi fyri sær á eini konsert mitt á pallinum. Hinumegin á klótuni, í Suðurafrika, hevði onkur kopiera LP plátuna og selt hana á svarta marknaðinum. Í tvey áratíggju var henda ólógliga LP pláta, Cold Facts , millum mest seldu og harvið týdningarmes

Hesin sjáldsami píkur sæst í bátadráttinum niðri á helluni á Viðareiði. Hóast samandrigið, skyggir rusturin og spælir sær í dagsljósinum við Múla og bjarta sjóvarmálanum í nærmasta baksýni. Sama litspæl í rusti er í Hvannasundi, har ein hjallur úr bylgjublikki spælir upp móti stílreinu kirkjuni, sum H.C.W.Tórgarð teknaði, við kyrra sundið mitt á slætta bønum. Kanska er tað so, at bylgjublikk er besta byggitilfar at fanga og benda føroyska ljósið. Eisini tá tað rustar. Kirkjan stendur sjáldsama væl á hesum slætta lendi, beint við sjógvin. Í fjórðu bókini um kirkjurnar í Føroyum (1999), sigur J.P. Gregoriussen, arkitektur og høvundur, frá um átjan kirkjur, sum vórðu bygdar árini 1920 til 1957. Um kirkjuna í Hvannasundi verður sagt soleiðis: Í 1933 varð H.C.W. Tórgarð, arkitektur í Havn, biðin um at gera tekning og kostnaðarmeting til nýggja kirkju í Hvannasundi. Men málsviðgerðin skuldi vísa seg at verða drúgv, so arbeiði uppá kirkjuna byrjaði ikki fyrr enn í 1948. Tekn

Á hillunum í Rúsuni er komið nýtt vín úr nýggjum vínlandi. Talan er um reyðvín av kinverska garðinum hjá Han, róptur Hansen, við heitinum Côtes du Fleuve Jaune du désert de Gobi . Vínið er úr økinum Ningxia, Gansu og Wuhai í Gobioyðimørkini í Innara Mongolia í Kina. Árgangurin er 2009, alkoholprosentið er 13 og talan er um bland av drúvunum cabernet-sauvignon, cabernet-gernischt, cabernet-franc og merlot. Í vøruskránni hjá Rúsuni stendur: Goymt 17 mánaðir á eik. Anga av frukt, eik og kaffi. Smakk við frukt, krydd og eik. Miðal fylla. Hóskar m.a. til neytakjøt og ost. Prísurin er 152 krónur fyri fløskuna. Heimasíðan hjá kinverska vínbóndanum, harra Han, avdúkar at talan er ikki bara um at kína fremmandum kræsnum gómum, men eisini at eggja til eitt samfelagsligt nýbrot innlendis: Mr. Han's goal is to transform an arid desert into green vineyards with irrigation from the Yellow River and the use of groundwater. A significant social objective of this plan is to create emplo

Hóast agurkutíðin, the silly season, skuldi verið av, hava sáttmálabundnir public service miðlar og ganska vanligir privatkapitalistiskir handilsmiðlar í inn- og útlandi hesa vikuna upplýst okkum um trý-fýra viðurskifti, sum eg haldi orsøk er at dvølja við. Í fyrsta føri var tað okkara egni innlendski og einasti public service miðil, Útvarpið hjá Kringvarpi Føroya, sum visti at siga fyri vist, at ein lærari í Hósvík hevði bart eina gentu so illa, at hon mátti á skaðastovuna, har læknin heitti á pápan um at melda og ein fulltrúi í Mentamálaráðnum hevði skrivað eitt notat. Alt um eina leið valdi einasti føroyski almannamiðil at verða lóggevandi, útinnandi og dømandi, umframt at vera fjórða samfelagsmakt, so sum natúrligt er hjá einum miðili. Uttan at fáa vart seg varð lærarin slaktaður við fullum navni, millumnavni og eftirnavni og er fyri opnari einvegis almannamikrofon deyðadømdur í sinum yrki. Í London er ein sovorðin trongd komin á blaðstjóran á The Sun , at hann partú s

Nú reyk so hasin golfvøllurin úti á Glyvursnesi. Kartni, sum umframt vágamaður, eisini er íðin golfari, bjóðaði mær út í golfklubban í apríl 2006, tá myndirnar eru tiknar. Meðan russiskir rustikustar dunkaðu á fjørðinum og seyður gekk á bønum, royndu vit okkum við gulum kúlum og vinstrahendum stavum frá Palla, uppi og niðri, so tað næstan varð sum í sálminum hjá Mikkjali, har tað gongur ups av ups. Missa vit umframt golfvøllin á Glyvursnesi eisini flogvøllin vesturi í Vágum, so hava vit eina heilt greiða Lose/Lose støðu, sum eingin fer væl av, heldur enn eina Win/Win støðu, har øll kundu fingið ein ágóða. Wikipedia lýsir Lose/Lose støðuna soleiðis: ‘When people become obsessed with making the other person lose, even at their own expense. This is the philosophy of adversarial conflict, war, or of highly dependent persons. (If nobody wins, being a loser isn't so bad.)’ Kanska er hetta fremsta lyndiseyðkennið hjá miðalføroyinginum. Eitt annað uppskot er støðan Win/Win

Á Norðradalsskari hann vildi ligið forðaði bureaukratiið - hvíl í friði - Soleiðis stendur skrivað á gravsteini yvir Andrias M. Reinert (1855-1935), sum var úr Norðradali og vildi verða grivin á Norðradalsskari. Myndugleikarnir sýttu og tí er hann grivin í Kaldbak. Visti ikki, at tað bar til at ríma uppá bureaukratiið. Men her sæst tað so, meitlað í stein. Um Norðradalsskarð er tað at siga, at eisini her eru tvey nøvn at velja, tí summi siga Neytaskarð og um tey syðru skørðini siga tey Fólkaskarð og Reiðskarð. Tað er at heilgardera seg við tveimum nøvnum, útgávum og tulkingum av øllum tí, ið til er. Annars kundi hent, at ov nógv blivu samd. Tí nú blívur tað villingarsamt. Er gravsteinurin omanfyri sjáldsamur, so er garðurin kring húsini hjá Gunhild Helenu, dóttir Gustav á Sundi, ikki minni sjáldsamur. Ja, eitt sætt ferðamál í Kaldbak. Gunhild bjóðaði innum og fortaldi, at upprunaliga var ein blómugarður her. - Men um veturin var einki at hyggja at, so eg fann up