Birk

Tá ein hyggur gjøgnum gyltu avrikina í matstovuyrkinum síðan aldarskiftið, er torført at fáa eygað á kvinnur, sum gamlar bøkur altíð hava bundið at matgerð og køksarbeiði, eftir at menninir hava flett. Henda søguliga ímynd verður gjørd til skamma, tá vit mitt í Gongini, Heima í Havn, hitta Ingun Schiller til eitt prát. Hon er útbúgvin tænari og lærari, og her í Gongini síggjast hennara avrik best. - Yrkisleiðin innan matstovuyrkið byrjaði á Maxim úti á Argjum í 1989-92, eitt fantastiskt tíðarskeið, ein nýggj, spennandi tíð innan føroysku matstovuvinnuna, sigur Ingun, sum varð við at byrja Nólsoyarstovu, og arbeiddi á Hotel Føroyum og umborð á Norrønu. Veturin 1993-94 var Ingun í sveisisku alpunum í reto-romanska landslutinum, Graubunden, har tey tosa romanskt. - Eg fór faktiskt niður til Sveis at læra týskt, sigur Ingun, ið síðan hevur arbeitt freelance sum flogterna frá 1996 til 2000, meðan hon gekk á læraraskúla, og til hon fekk børnini Anna í 2001 og Jónas í 2003. - Eg ha

Henry Samuelsen var leiðandi kokkur, tá Áarstova bjóðaði til heystkvøld fríggjakvøldið, har John Mikkelsen er matstovuleiðari í øllum økinum, sum tey rópa Heima í Havn. Nýggjastu tænastuhús eru Dandastova, sum er í tveimum hæddum, har opið er inn í Barbara Fish House gjøgnum kjallaran. Fiskamatstovan, Barbara, er í kvøld við í kapping hjá Den danske spiseguide  í Præstø á Suðursælandi, at gerast ársins matstova, ið borðreiðir við fiski og skeljadýrum. Kappingin er móti Hummer í Keypmannahavn, Philkjær í Aarhus og Admiralen í Kolding. John Mikkelsen er við í somu kapping at verða kosin ársins tænari, årets tjenerprofil , og Michelinvinnarin Poul Andrias Ziska at gerast fremsti kokkur í ríkinum, årets kokkeprofil , í kapping við tríggjar aðrar kendar kokkar. Tað er Bent Christensen, sum skipar fyri, og sum eisini skrivaði bókina hjá Sprotanum um KOKS, sum hann á niðaru myndini signerar á Hotel Føroyum fyri jól í 2012. Heystkvøldið hjá Henry byrjaði við at skifta orð um tað

So er Mikkellermaðurin komin. Eg slapp at avmynda hann í gomlu Dandastovu, har sum Gullhornið og Gongin vóru fyrr, niðast í Bringsnagøtu, innanfyri diskin, meðan hann lesur bjórskránna við teim sekstan spesialbryggjunum á vegginum. Brettini og bitarnir undir loftinum benda huglagið á málningin hjá Emil Krause frá 1904 av dansarum á Viðareiði, sum nú hongur í býráðssalinum í Klaksvík. Eirikur Lindenskov, sum eins og Mikkel Borg Bjergsø er lærari, hevur sett øll húsini í stand, so ikki bara varðveitt søga, men eisini fynd og lív nú eru blást í gamla staðarnavnið Heima í Havn. Mikkeller er skrásett vørumerki, sum varð stovnað í 2006. Talan er um eitt sonevnt nomadubryggjarí, ið ferðast um heimin at bryggja spennandi bjór á eksotiskum støðum, har tey leiga seg inn í ketlarnar. Áhugin er eins stórur og avkastið. Fyrsta føroyska royndin er ølin Gullhornið , sum er bryggjað hjá Okkara á Velbastað. Hin besta, eg havi smakkað, síðan eg fyri mongum árum síðan smakkaði Sierra Nevada pal

Undir heitinum Bókasavning og bókasavnið - fyrstu bøkurnar á Færø Amts Bibliotek  arbeiða Vígdis Bjarnadóttir og Ole Wich, við at savna fyrstu bøkur, ið komu á bókasavnið. Næsta ár eru 190 ár síðan Færø Amts Bibliotek byrjaði í Quillingsgarði í Havn. Tað er á Lað, omanfyri Áarvegin, har Finsen-merkið stendur við inngongdina til Amtmansborgina, og har, ið Krókabrekkan byrjar eitt vet longur uppi. Í dag eigur Føroya Lívstrygging húsini í Quillingsgarði, og síðan 1979 hevur landsbókasavnið hildið til við J. C. Svabosgøtu. Fyrstu bøkurnar, sum Vígdis, ið er bókavørður á Landsbókasavninum, blaðar í, verða at síggja á bókaframsýning, sum letur upp á Føroya elsta almenna stovni, Lansbókasavninum, 7. november í ár. Ole er partur av Network for European Travel Writing to the Romantic Far North , ið er granskingarverkætlan hjá Kim Simonsen. Í einum hundrað ára minningarriti, skrivaði M. A. Jacobsen í 1929, soleiðis um bókliga standin í landinum: ”Fremmandir ferðamenn, ið verið hava

Leygardagin klokkan 16 letur Luis dyrnar upp í gomlu Dandastovu, niðast í Bringsnagøtu, har fyrst Gongin og síðan Gullhornið helt til. Luis Pellecer Jr. verður barrvørur í sjáldsomu hølunum, sum enn eru 30 centimetrar hægri í øðrum endanum enn í hinum. Útvið hálvthundrað ølsløg verða í Mikkeller barrini, men mest áhugverdu eru tey sekstan bryggini, sum altíð eru á kranunum, og verða skrivaði á eina svarta talvu við hvítum kriti. Kostnaðarstøðið i hesum sjáldsama bjórparadísi verður úr 70 krónum upp í meir enn 200 krónur fyri eitt 40 sentilitur glas. Umframt gamla gøtunavnið, Gongin, varð nýggja koparskeltið sett á veggin í gomlu Dandastovu í dag. Johannes Jensen stendur vælnøgdur í stiganum, sum Eirikur Lindenskov, ið eigur og hevur sett húsini Heima í Havn í stand, heldur. Inni í gastronomisku Mikkeller ølstovuni er litríkt. Í Fútastovu, longur úti í Gongini, hevði íverksetarin Jóhan Mortensen bjóðað til ostasmakking, meðan John Mikkelsen, sum er í uppsko