Birk

Í bestu harutíð sat eg í dag í bilsessinum framman, høgrumegin føraran, vestur á flogvøllin. Ístaðin fyri byrsu at skjóta haru við, hevði eg gjørt meg út við myndatólinum at skjóta kavamyndir soleiðis beint út eftir tí, sum fyri er í kalda góðveðrið. Yvirskipaðu ørindini vóru at møta Jógvani, sum seinrapartin kom við Atlantsflogi úr Danmark. Her hómast bláur himmal og seinastu sólstrálurnar á hvíttklæddu fjallarøðirnar norðanfyri, innan alt ber upp fyri, so vit bara síggja næstu líðirnar í Kaldbaksbotni. Nú missa vit bláa loftið og fjara sýnið, so alt er næstan svart og hvítt, og ber upp fyri øllum tí fjara.   Í Kollfjarðardali er ein bilur farin út av vegnum og er bóltaður runt í morgunhálkuni. Nú er saltað og gott at koyra, men allir litir eru burtur. Eftir Leynatunnulin er trøllsliga grátt yvir bláa vatnið og fram við vegnum, har brúnguli heystarhagin hevur hug at troðka seg upp úr tí litleysa lendinum. Eftir at flogfarið er lent henda sjáldsama góðveðursda...

Tá ljóðið sigur søgur á filmi er yvirskriftin, tá Peter Storm Wich fer at sýna filmin Polar , og greiða frá um ljóðsniðið í fyrstu grønlendsku webfilmsrøðini. Tað eru Filmsfelagið og Havnar Bio sum í felag fara sýna filmin Polar, sum er verkætlan frá filmsskúlanum Super16. Samstundis er hetta ein pilotur, nú fyrsta grønlendska netrøðin verður gjørd. Baksýnið og orsøkin til sýningina í Filmsfelagnum er, at varpa ljós á ljóð í filmi og filmsgerð. Skal ljóðið gera mun og hava størst møguliga virkna í filmaðu søguni, so skal ljóðfólkið, ljóðdesignarin, vera við í kreativu prosessini longu tá hugskotið verður til og handritið skrivað. Polar er eitt dømi, har ljóðsniðgevin medvirkar frá byrjan, og elvir til, at ljóðmyndin og alt ljóðumhvørvið verður ein sjálvsagdur medspælari í filmaðu søguni. Peter Storm Wich, sum lesur til tónameistara á Danska Filmskúlanum, og hevur ábyrgdina av ljóðinum í Polar , fer eftir sýningina at siga frá um, hvussu ljóðið er blivið til og at svara spurni...

Ólavskirkjan í Kirkjubø, sum helst er reist í 1200-talinum og tí er Føroya elsta kirkja, var fullsett í kvøld, tá skipað var fyri konsert við klassiskum tónleiki eftir Johann Sebastian Bach (1685-1750). Samskipari var Ólavur Jacobsen, sum spældi klassiskan guitar og var framúr væl upplagdur frásøgumaður við perfektari timing , ikki bara í gittarspæli, men eisini í orðum. Einki orgul er í kirkjuni, so umframt gittarin hjá Ólavi, hoyrdu vit eina strúkikvartett við Moniku Stauss Joensen, Jón Festirstein, Jens Christian Guttesen og Jonu Jacobsen. - Alt samalt í andum hjá Bach, sum skuldi levera tónleik hvønn sunnudag, bæði til vanliga messu og til hámessu, og altíð leggja til rættis eftir høvi og umstøðum, sum til dømis her í kirkjuni, segði ein nærverandi Ólavur. Carsten Arnskov, teknikari í Kringvarpinum, hevði myndprýtt kirkjuna við ljósi upp á veggin í litum, sum vit annan vegin kenna úr litaðu glaslistini hjá Tróndi Paturssyni, men eisini við søguligum portrettmyndum...

Í Føroya elstu kirkju, Ólavskirkju í Kirkjubø, verður ein sjáldsom konsert hóskvøldið 14. desember klokkan 19:30. - Fyrimyndin er úr St Martin In the Fields kirkjuni í London, har konsert er á hvørjum ári, sum kallast Bach in Candle Light , sigur Jóhan Mortensen. Í innbjóðing ger hann vart við, at konsertin er ókeypis og pláss er fyri 100 áhoyrarum. - Bretska konsertin er hugnalig og sera væl fagnað, og við íblástri frá henni verður nú konsert i Kirkjubøar Kirkju við Bach tónleiki á høgum støði, sigur Jóhan. Aftaná konsertina, sum varar slakan tíma, hevur Føroya Bjór móttøku í Roykstovuni hinumegin túnið, har eitt jólalag eisini verður spælt. Palli Gregoriussen sigur, at kirkjan í Kirkjubø, eisini nevnd Ólavskirkjan, er elsta kirkja í landinum, sum er í brúki. Hon hevur eitt tíðarskeið verið dómkirkja á føroyska biskupssætinum. Í 1963-1966 fóru fram umfatandi fornfrøðiligar rannsóknir av lendinum undir kirkjuni. Rannsóknin vísti, at kirkjustaðurin er fornur. Komið varð m.a. ...

Í morgun verða tey áhugaverdu tíðindi borin á Portalinum, at eitt virki á havnarlagnum á Tvøroyri er bygt undir skeivum fortreytum. Meistarligu myndina, ið sigur meir enn milliardir av keyptum orðum, tók Reidar Simonsen fyri tíggju døgum síðan. Innihaldsliga tekstkeldan er stjórin í vinnufelagnum á VP í gjárkvøldið. Gamaní, kunnu fortreytir broytast frá degi til dags, tað verið seg persónliga ella alment, í relatión til onnur núlivandi, ella bara vinnuliga, soleiðis sum pengar nú kunnu definera okkara viðurskifti við grannan, tí vit púra óvæntað hava vunnið milliónina, og tað verður ein grannatrupulleiki. Í summar var eg á júst hesum ný- og gamalsøguliga armageddonstaði, og kann ikki annað enn geva kelduni rætt. Hetta er alt bygt eftir púra skeivum fortreytum. Men hin órættaði er ikki grefliga virkið, sum á dronumyndini sæst fremst fyri sum rovini á einum futuristiskum bláhvali. Nei, tað eru tey, sum í fyrndini, men í dag uttan rættindi, ið bygdu býli, virki og handlar eftir na...

  Children in a Digital World  (UNICEF 2017) Fleiri og fleiri børn eru á netinum, sigur ST-stovnurin UNICEF í árligu frágreiðingini. Nú er triðihvør á netinum eitt barn, verður sagt í fráfreiðingini Children in a Digital World,  sum kemur út í dag og fæst ókeypis á netinum. Ein sjónlig avbjóðing í nýggju frágreiðingini er, at 71% av teim 15 til 24 ára gomlu eru sambundin, connected, meðan bara 48% av øllum brúkarum eru sambundnir á netinum. Atkoma, access, til internetið, verður mett sum ein fyrimunur hjá børnum í allari verðini, heilt frá útbúgving til nýggj sosial sambond og samfeløg. Vandi er tó í allari vælferð. Í tíðindaskrivi úr New York í dag, hevur UNICEF hesa samanfatandi áheitan longu í yvirskriftini: Make the digital world safer for children - while increasing online access to benefit the most disadvantaged Ov lítið verður gjørt við at kanna, hvussu børn brúka internetið, sigur UNICEF. Hóast vit í Føroyum helst hava flestu og nýggjastu teldur og lí...

Fríggjakvøldið letur matstovan The Tarv upp í gulu húsunum innast í Vágsbotni, har heilsølan hjá Poul Hansen var fyrr. Fyrsti persónur, vit møta, innan farið verður til borðs, er smílandi vertinnan Eydna av Fløtum Millum gestirnar er kendasti mannligi vertur, John Mikkelsen í Áarstovu, sum ger Eydnu tann heiður at møta til soft opening hóskvøldið. Kanska hevur hann okkurt tips, tí greitt er, at hann telist millum bestu matstovuvertir í ríkinum. Hóast hølini eru rá, sum tá goymsla var her, og Útvarpið seinni helt til her, eru hølini heit við hugnaligum ljósi og modernaðum norðurlendskum eyðkenni, innbúgvi og búnýtum. Útsýnið yvir Vágsbotn, bátarnar og yvir á gamla Impo, er sjáldsama spennandi, nú jólini eru í hondum. Á niðastu hæddini, beint inn av Bryggjubakkakantinum, er inngongd til Undirhúsið, og aftanfyri er barr, sum Erik Reidarsson Klein stýrur við ungari men fermari hond. Hann veit alt um klassiskar og modernaðar kokkteylar, og ljósið fellir so undirfult, at...