Birk

Jan Egil Kristiansen hevur avmyndað Saltsiloina á Drelnesi Mentamál hava stóran týdning hjá politikarum og vinnulívsfólki. Í fyrra førinum at breggja sær við, tá vissa er fyri, at hetta er ein útreiðslufrí taburett, og í seinna førinum tá myndlistin passar til innbúgvið á skrivstovuni. Í báðum førum er brúkta mentanarúrslitið ein vøra, a commodity, til persónliga emblematisering. Í vikuni hava allir miðlar borið formannin í nýmentaða Miðflokkinum, Jenis av Rana, á lógvum, nú hann í tinginum hevur uppfunnið eitt nýtt mentapolitiskt hugtak: eina bakaramappu. Kveikin og stigtakarin, handan miðpolitiska nýyrðið er Ólavur Rasmussen, sum hevur givið øllum flokkum, uttan nýmentaða flokkinum, eina bakaramappu, ið sum skilst skal lýsa ætlanina um eitt mentanarhús á Drelnesi, SALT. Undir sólini er einki nýtt. Hvørki politiskt ella mentanarligt. Hóast Hans Holm lærdi okkum um staðsetingar, lokaliseringsástøði, á Læraraskúlanum í 80’unum, er tað í størri mun ein filmur úr somu tíð, ið fa

Atgongumerkjasølan er byrja í Gibraltar (Mynd: Elisabeth Kruse) Merkið sást á uppsløgum í Gibraltar í dag. Orsøkin er ein fótbóltsdystur millum Føroyar og Gibraltar, sum er lýstur at vera fríggjakvøldið 11. mars. FSF-heimasíðan boðar frá, at fyrst í mars fer føroyska A-landsliðið á venjingarlegu í Malaga í eina viku. Umframt nógvu tímarnar við venjing fer føroyska landsliðið eftir ætlan eisini at leika tríggjar dystir. Tveir av dystunum verða væntandi móti fótbóltsfeløgum, sum eisini eru á venjingarlegu, meðan seinasti dysturin verður móti landsliðnum hjá Gibraltar. 22 leikarar eru úttiknir til venjingarleguna, sum verður í døgunum 4.-12. mars. Tó at talan er um eitt sera ungt lið, har miðalaldurin er um 24 ár, er Øssur Dalbúð einasti leikarin, sum ikki hevur verið í landsliðshópinum áður. Tískil verður serliga áhugavert at síggja unga áleyparan, sum skeyt 13 mál fyri ÍF í fjør, royna seg á A-landsliðnum, Brian Kerr, landsliðsvenjari, hevur tikið hesar leikarar út til venjingar

Summi siga tað er so líka til, men ilt er at finna rætta vegin í øllum teim sosialu miðlum, ið bjóða okkum limaskap, tá vit tendra telduna “Jump on the social media bandwagon!” segði ein við meg í London herfyri, har eg var millum vinnulívs- og skúlafólk at skoða framtíðar skúlastovuna. Ein sølumaður segði mær at Føroyar eru helst tað land í heiminum, har flestu samvirknu skúlatalvurnar eru. Einki annað land er so væl útgjørt. Áhugavert at fáa at vita. Serliga tá hugsað verður um innihald og aktualitet, ella tíðarbæri, sum talgilda orðabókin sigur. Tí gongd er í talgildu miðlunum og serliga teim sosialu, fyrst og fremst Facebook og YouTube. Satt at siga er hvør tann einasti íbundni føroyingur ein presumptiv sendistøð. Og um allan knøttin við. Onkur óttast at fara á Facebook og yvirhøvur at tendra telduna og leita á netinum. Eg eri av teirri sannføring at opnari og virknari tú ert á hesum ræsum, javnlíkari verður tú øllum øðrum. Bert heilt fá eru so avpartaði at tey ikki hava tørv á

Ovast í vinstra horni hevur ímyndin hjá Dimmu tikið Google, Wikipedia hevur tikið birk og Blogger hevur lagt seg á Kringvarpið, sum sæst á kliptu myndin av telduskerminum í morgun. Klikk á myndina og síggj nærri   Ein dreymayvirskrift, sum í morgun bleiv veruleiki, um ein sovorðin er til í talgilda tykisheimi: Dimma tekur Google. Ímyndin hjá Dimmu, klassiski stavurin D, legði seg í morgun á fánablaðið hjá Google, mín bloggur fekk frámerkið hjá Wikipenda og Kringvarpið fekk appilsinlittu ímyndina hjá Blogger. "Hetta er bara enn ein av mongu feilunum í Explorer," siga tøkningarnir. "Tak ein annan kaga niður ella stiga upp til níggjundu útgávu," siga teir. Varð bangin fyri at hetta var ein nýggjur telduvirus. Fyri nøkrum árum síðani hoyrdist um ein virus, sum fekk telduna at senda brøv til tey, sum eftir bókstavaraðnum stóðu við síðuna av tí, tú ætlaði at senda til.

Myndirnar, ið eru úr filminum Submarino, sýna brøðurnar sum lukkuligar smádreingir, eina bróðurin á kamarinum í herberginum og niðast báðar brøðurnar saman Børn og brennivín eru tíðindi í hesum døgum. Júst hetta vandamál er evni í fyrsta filminum, Submarino , sum Klipp - Filmsfelag Norðurlandahúsins vísir í Havnar Bio mikukvøldið 23. mars kl 19:30. Filmurin, ið hevur fingið virðisløn sum hin besti í Norðanlondum beint nú, byggir á skaldsøgu hjá Jonas T. Bengtson frá 2007.   41 ára gamli Thomas Vinterberg hevur gjørt filmin. Fyrsti filmur hansara var Festen , sum kom í 1998 og vann hópin av virðislønum. Nýggi filmurin Submarino er ein skakandi nútíðarsøga um tveir brøður, ið royna at koma til sættis við ein truplan uppvøkstur, har brennivín fór við øllum. Tá filmurin varð frumsýndur í Berlin skrivaði ummælarin Erik Jensen í Politiken , at ‘Submarino’ er eitt nemandi neyðarróp frá teimum, sum samfelagið hevur mist á gólvið. Undan filminum verður stuttfilmurin Bow eftir Rannvá

Janus Kamban gjørdi standmyndina av springandi dronginum, sum tekur seyð til Eysturskúlan í 1980. Nú er myndin komin til heiður og æru við skúladyrnar, har Tróndur Patursson og Sankta Brendan síggjast á vegginum (Myndir: Birgir Kruse) Drongur tekur seyð er heitið á dynamisku standmyndini hjá Janusi Kamban (1913-2009), sum higartil hevur staðið mest sum burturgoymd í einum króki, sum eingin visti av var til í Eysturskúlanum í Havn. Har hevur hon staðið síðani skúlin bleiv vígdur í 1980. Men nú er hon flutt fram til Tórgarðsgøtu, har nógv ferðsla er morgun og kvøld. Og ikki um at tala tá næmingar og lærarar í landsins størsta skúla koma og fara og Kvøldskúlin hevur framsýning. Eitt frálíkt tiltak, tí list skal síggjast og setast har, ið fólk eru. 29. apríl verður ráðstevna í Norðurlandahúsinum, har júst listin í almenna rúminum er evnið. Umframt føroyingar, arkitektar og listafólk, verða útlendingar sum Lars Gemzøe og Morten Stræde við. Eysturskúlin varð vígdur í august 19

Martin Joensen á grafisku teknistovuni MJ Media millum Gilja í Havn í dag (Myndir: Birgir Kruse) Í dag var eg sjálvur annar og vitjaði Martin Joensen. Ørindini vóru at taka eina portrettmynd til bók í kristni, sum starvsfelagin Karina Toftegaard ritstjórnar. Tá fall tosið inn á Ette og Ettesa brúgv í Vestmanna. Fiskaútflytarin og høvundurin cand.phil. Christian Heinrich 'Henry' Ette (1872-1937) varð føddur í Keypmannahavn og búði 25 ár í Vestmanna. Ette skrivaði m.a. bókina "De tørlagte Færøer og Spiritussmughandelen". Tað er eftir honum at gamla brúgvin varð nevnd Ettesa brúgv. Martin, sum peikar á brúnna á gomlu myndini omanfyri, syngur um Ettesa brúgv á nýggju fløguni Kvøld . Í baksýni á somu mynd sæst trolarin Jóannes Fonsdal, seinni Sundaberg, ið fórst við Nýfundland 7. mai 1972. Trolararnir úr Hull, Kingston Amber við Malcolm Clark skipara og Othello við Frank Drewery skipara, bjargaðu føroysku manningini, sum taldi 38 mans. Teirra millum var Hendrik Jacob

GULLNÁM: Hanni Bjartalíð (f.1968) sýnir fram í Steinprenti á Skálatrøð 18. februar - 26. mars 2011 Í sjónvarpssendingini herfyri um Zacharias Heinesen tosar mæti listamaðurin um ta nýggju listina, samstundis sum vit síggja hann filmaðan á eini listaframsýning, har hann við stórum áhuga skoðar nøkur listaverk: ”Hevði eg verið ungur í dag, hevði eg nokk arbeitt uppá akkra sama máta” heldur Zacharias. Verkini, sum hann hyggur eftir, eigur Hanni Bjartalíð. Hanni arbeiðir í løtuni í Steinprenti við permuni til enska Vencil. Tískil býðst høvið at uppliva hansara innovativa, poetiska og spraklandi úttrykk á serframsýning í Steinprenti, sum hevur fingið heitið GULLNÁM. Listin hjá Hanna Bjartalíð er villvaksandi og spontan, samstundis sum hon er inntonkt, still og stýrd. Bæði í kollasjunum, sum eru myndaðar av tusjtekningum, bæði frítekning og skabelóntekningum, fráklippum, kliptum mynstrum - abstrakt og figurativt - alt í senn og eisini, tá hann byggir sínar sermerktu standmyndir úr træi,

Zacharias Heinesen er evnið í sjónvarpssendingini “Tá litirnir dansa”, sum verður ummæld niðanfyri. 19. juni verður virkni listamaðurin 75 ár Sjónvarpsummæli "Vit um Vørp" http://listinblog.blogspot.com/ Miðskeiðis í sjeytárunum lærdi Hans Jacob Debes okkum um horror vacui . Tað var í fornaldarfrøði, og orsøkin var drúgva Ilionskvæðið . Hugdi í bókina um dagarnar og sá gamla frámerkið við longum píli, upp og niður: hetta er horror vacui . Frámerkið kom mær til hugs, tá eg aðru ferð hugdi eftir sendingini Tá litirnir dansa (KvF Programmdeildin 2011). Fyrstu ferð eg sá sendingina, hóskvøldið í undanfarnu viku, skifti eg, í berum argilsi yvir tilgjørda upplesturin hjá høvuðspersóninum, sjónvarpsrás og valdi heldur at lurta eftir ætlaðu fráfaringarrøðuni hjá Mubarak úr Kairo. Sunnukvøldið sá eg so sendingina um myndlistamannin Zacharias Heinesen fyri fyrstu ferð í fullum líki. Myndliga er Zacharias Heinesen mest spennandi miðdepil eg kann hugsa mær í eini sjónvarpssen

Filmsplakatin The Roommate og tær báðar Minka Kelly (Sara) og Leighton Meester (Rebecca). Niðast sæst 37 ára gamli danski leikstjórin, Christian E. Christiansen (Pressumyndir) Í dag fekk eg hesi boð frá einum ovurfegnum Facebookvini: The Roommate' - number ONE movie in USA - by Danish Director Christian E. Christiansen. A heartfull CONGRATULATION Christian! Facebookvinurin er av danskari ætt og fyriskipar á hvørjum ár eina norðurlendska filmsstevnu í Los Angeles, The Scandinavian Film Festival. So í dag eru vit øll danskarar, filmandi samríkjamenn. The Roommate er nøtrisøga um tvær gentur, ið búgva saman. Hetta er  a disturbed college chick thriller , har onnur sum frálíður tekur yvir samleikan hjá hinari og úrslitið verður blóðugt. Nøtrisøgan flytir seg yvir í horrorfilmin, við dryppandi blóði og nógvum berligum kjøti, og nemur við Psycho og stalker slagið, og hevur fingið frámerkið Blank From Hell . Her er ein brellbiti! Øll frásøgusnildu eru brúkt fyrr, men kanska er t

Dávur Juul Magnussen avmyndaður við trombon í íbúðini í Glasgow. Síðani sæst Dávur sjálvur triði í franskari reklamu fyri Courtois og niðast er arbeiðsstaðurin hjá Dáva,The Glasgow Royal Concert Hall, avmyndaður (Myndir: Birgir Kruse og Courtois) Í dag fekk Dávur Juul Magnussen 'gávugóðs' á Seturskrivstovuni á Fróðskaparsetri Føroya. Gávugóðs verður, sambært viðtøkum grunsins og uttan umsókn, givið einum ungum listafólki, sum hevur víst hegni og hug at útbúgva seg. Undir nýggjárskonsertini sóu øll hansara listarligu gávur at spæla trombon og persónligu evni at undirhalda. Longu tá bókin Les1 varð løgd fram í Listaskálanum í 2006, vísti hann framúr evni á trombon. Grundgevingin hjá nevndini er soljóðandi: Dávur Juul Magnussen (f. 7. nov. 1985) byrjaði at spæla trombone 12 ára gamal í 1998 sum næmingur á Føroya Musikkskúla. Hugurin stóð til saksofon, men hann valdi trombone, og tað var gott. Hann var virkin tónleikari, áðrenn hann í 2006 flutti til Skotlands at lesa tó

Vikuskiftispass til G! Festivalin er komið í hús. Aftanfyri síggjast fløgur við Blind Boys of Alabama (Mynd: Birgir Kruse) Í kvøld sleit í og í góðveðrinum gekk eg mær ein túr niðan á Ringvegin at keypa atgongumerki til G! Festivalin , bara fyri at hoyra Blind Boys of Alabama . Men gakk. Komin niðan til PE brast hann á við grimdarregni og vátaslettingi. Setti upp í durinum hjá Petur Eiriki, men einki skjúts. Mannaði meg upp og gekk niðan til Magn, einar trý hundrað metrar, og eydnaðist at blíva á kroppi. Men so var hin fyrsta billettin til G! Festivalin kom í hús. Tað havi eg ikki roynt áður, at fara á festival. On Crop. Í morgun spældi Petur Rouch The Louvin Brothers og teirra sjáldsamu sangir, sum eru tíðartinnur úr fimmtiárunum. Ein teirra er “Great Atomic Power”, har sagt verður “Are you ready / for the great atomic power? / Will you rise and meet your savior in the air?”. Millum amerikanskar sangir úr Korea um dómadagsangist og kommunistaræðslu í fimmtiárunum er hetta hugtakan

Jóhan Mortensen, Niels Halm, Birgir Kruse og fremst fyri í stólinum sæst útvarpsteknikarin Leivur Thomsen (Mynd: Rúni Jákupsson) Nú byrjar Klipp - Filmsfelag Norðurlandahúsins aftur. Triðja hvønn mikudag klokkan 19:30 verða sýningar í Havnar Bio. Fyrsta várskeiðið er skráin henda: 23/2 Submarino (Danmark 2010), sterkur og viðkomandi filmur um at vaksa upp í einum heimi, har rúsdrekka setur dagsordanin, og einki annað. Tveir brøður, og minnið um ein triðja, royna at bróta sosiala arvin. Hetta er besti norðurlendski filmur beint nú. 16/3 Engelen (Noreg 2009) Margretha Olin leikstjórnar og Marie Bonnevie hevur leiklutin sum kvinnuligi heroinmisnýtarin. Oscartilnevndur filmur, umboðandi Noreg og hevur fingið áskoðaravirðislønir m.a. í Haugesund. 06/4 Snabba Cash (Svøríki 2010) mafia á heimavølli, sum selur heroin til betra slagið. So væl umtóktur, at tveir sequels longu er avtalaðir at gera í ár. Metsølufilmur. 27/4 Hævnen (Danmark 2010) Civilization, ella In a better world á en

Limir í prestafelganum í Meinigheitshúsinum í Havn í dag. Eg sjálvur á talarastólinum, og Sakaris Stóra, sum tók upp (Myndir: Birgir Kruse og Sverri Steinhólm) Í dag skipaði Prestafelagið fyri evnisdegi i Meinigheitshúsinum í Havn. Har er góð útgerð til øll sløg av framførslum, eisini til orkestur, ið vilja larma. Niðri undir er køkur og rúmligur matsalur. Theodor Olsen, prestur í Kvívík, er formaður í Prestafelagnum. Hann bjóðaði kaffi og morgunbreyð og so byrjaði dagurin við orðum hjá Bee Gees "It's only words, but words are all I have". Orð eru einastu amboð og felags málsøki hjá journalistum, prestum og lærarum. Við hesum støði varð nomið við ástøði Marshall B. Rosenbergs um giraff- og úlvamál, og síðani bókina Interview for journalister (2004) hjá Kurt Strand, har hann nevnir tíggju orð, frá samljóði til krígsavbjóðing. Við hesum hugsaða bønarkransi sum støði, vóru gjørdar tríggjar praktiskar samrøðuroyndir, sum vit í felag ummældu eftir lokið úrslit. Við útge