24.8.10

Fimm feitir filmar firnast Føroyar

Fimm aktuellar norðurlendskar filmsplakatir, sæddar úti í heimi. Koma tær ikki higar, mann tað vera tí at Føroyar ikki eru eitt Norðurland longur. Fyrr bar til at síggja listarliga áhugaverdan film úr Norðurlondum, men ikki nú

Sjeynda árið á rað, eru fimm filmar skotnir upp at vinna norðurlendsku filmsvirðislønina og 350.000 danskar krónur.

Filmarnir, sum allir eru nýggir, hava verið sýndir á heimsins stóru filmsstevnum, so sum í Berlin, Venezia og Toronto.

Eins og undanfarin ár, hevur eingin føroyingur sæð nakran av teim tilnevndu filmunum. Tó kenni eg tvey nøvn aftur. Tey eru danski Thomas Vinterberg, sum gjørdi FESTEN og íslendski Dagur Kári, sum gjørdi NÓI ALBINÓI. 

Hanne Palmquist, sum er stjóri í norðurlendska filmsgrunninum, sigur á heimasíðu teirra: "This is the seventh time we are awarding the NORDIC COUNCIL FILM PRIZE and it is very gratifying to see that once again we are able to gather a field of five very different films of high artistic and international quality. New films are produced every year that, despite our small language area, make their mark extremely well both within and outside the Nordic countries. This year's film nominations have been screened at major international festivals such as Berlin, Venice and Toronto and have subsequently sold widely abroad. It is therefore also a pleasure that we are able again this year to show a package of five fantastic Nordic films to audiences in cinemas in Denmark, Norway, Sweden, Finland and Iceland during the autumn."

Virðislønin fyri besta norðurlendska filmin verður kunngjørd 20. oktober og verður latin 2. november í Reykjavík.

Tilnevndu filmarnir eru:

SUBMARINO - Danmark. Leikstjóri: Thomas Vinterberg

MIESTEN VUORO (STEAM OF LIFE) - Finnland. Leikstjórar: Joonas Berghäll og Mika Hotakainen

THE GOOD HEART - Ísland. Leikstjóri: Dagur Kári

UPPERDOG - Noregur. Leikstjóri: Sara Johnsen

METROPIA - Svøríki. Leikstjóri: Tarik Saleh