Birk

Cadeau til samkomurnar í Havn. Cadeau , kurteislig vinagerð, sum franska orðabókin sigur um gávu og tinganest, ið nú kemur miðbýðarborgaranum til góða frá samkomuni City Church.  Eftir brunaskaða, og í kjalarvørrinum á Lívdini uppi í Hoyvík, har skjótast vaksandi búseting er í landinum, fer miðbýðarkirkjan at endurreisa samkomuhølið og skapa bestu tónleikauppliving fyri 400-500 fólk, sigur Tom Jacobsen, sum er pastorur, nú bygt verður nýtt, upp at næsta granna, sum er størsta spæliplássi í býnum. Spælipláss av tí slagnum, sum orðabókin gevur børnum og barnafamiljum, og sum á enskum verður kallað playground . Cadeau. Samstundis er forfallið í privatu Klubbabygningunum totalt, og kommunan fer eftir filmiskan biograffyrispurning, kanska um tíggju ár at hyggja uppá Bacalao sum møguliga íløgu til ein biografsýningarmøguleika, hin seinasta í landinum. Eitt visuelt upplivingarrúm, ið nær sum helst kann gleppa okkum, ið ganga í góða men seinasta biografin, av hondum. Tíggju ár. Tjóðp...

Tað er okkurt stuttligt við at sleppa at kuratera ein playlista í Útvarpinum. Spæla musikk og plátur meðan øll lurta. Gera eina byrjan, eina miðleingju og so ein enda, akkurát sum tá vit lærdu at skriva stíl. Í ein tíma. At halda tíðini fastari, so hon stendur still, at bestamma tað, sum øll skulu lurta eftir í einum rúmi, har einki annað er at lurta eftir. Nakað sum at hyggja eftir Portugal og Ronaldo, sum spæla fótbólt móti Kongo. Tú ert fangaður í eini boblu av ongum á einari kanal, har einki annað er at síggja. Ein zombie í ongamannalandi í djúpasta Afrika, til ein rættir tær hondina og sigur Doktor Livingstone I presume? Kanska er kortini nakað uppliftandi og nýskapandi við at prika hol á summarbobluna við nettup at gera ein ómælandi playlista frá byrjan til enda, tá alt kemur til alt. Avbjóðingin er bara, at tað er sum at skera í reytt tjúkksaftað sjele. Tað víkir og glíður undan, og so hvørt tær lukkast at fáa ein bita, um man kann kalla munnberingina so, og lyftan hann upp á sk...

  Hvar er best at búgva í einum heimi, ið er ótryggastur, alt síðan heimsbardagin endaði, og vitanin um holocaust og kjarnorkubumbuna komu fram, skaptu samstørv og settu seg á allar útbúgvingarskipanir í mentaða heiminum? Friðarstøðan í heiminum verður lýst í Global Peace Index , sum byggir á 23 vísitøl, ið verða tikin úr í trimum høvuðstættum, kríggj, trygd og dubbing, og vísa tryggleikan at búgva í 163 av heimsins londum. Spurt verður í kanningini, um kríggj er í landinum, ongoing conflict, og hvussu nógv eru deyð. Síðan verður spurt, hvussu trygdin er í landinum, safety & security, um brotsverk, yvirgang, harðskap, politiska órógv, flóttar og sosialan ótryggleika.   Samanfatandi verður at enda spurt um støðið á dubbing, militarisation, gjald til herin, vápn, hernaðarligar tænastur, Nato, krígs- og verjusamstørv. Samanumtikið sýnir Global Peace Index ta trygd og tann frið, sum er í einum nevndum landi. Kanningarstovnurin ger vart við, at kanningarøkið trygd og ...

Dagurin byrjar sum allir aðrir við at eg tendri Útvarpið. Hefti meg við tvær søgur, har hin fyrra peikar inneftir í sjálvsnøgd, og hin seinna peikar úteftir í einum vónartanka um spírandi samhaldsfesti. Sagt verður fyrst í Útvarpinum, at konur fara at seta seg á trappuna í Vágsbotni at binda, eins og tær altíð hava gjørt á aðalfundi hjá Lærarafelagnum og framman fyri øllum innkeyptum fyrilestrahaldarum úr Danmark. Tað var hin innvenda. Eftir døgurða sigur Ingi í Útvarpinum eina amerikanska søgu um kvinnur, The Highwomen, sum nýtulka arbeiðarasangin hjá øllum heimsins monnum, Highwayman, har kvinnuliga útgávan er um eina heks, ið verður ákærd fyri gand og hongd í Salem. Eins og mannfólkasangurin enda tær eisini við orðunum "I am still around". K vinnurnar endurskriva arbeiðarakonseptið hjá monnunum, og seta kvinnur í søguni inn í staðin fyri menn, haldandi fast í at sálirnar koma aftur, kvinnur, sum hava verið kúgaðar, brendar og dripnar - og kortini liva víðari, sum sangu...

Undir yvirskriftini Vision of Humanity hevur Institute for Economics & Peace aftur í ár gjørt ein lista, Global Peace Index , við 163 londum, har støðið verður tikið í 23 felags grundvirðum, at finna fram til, hvar tryggast og ótryggast er at búgva. Heimasíðan upplýsir í ár, at vit liva í ótryggastu tíðum síðan seinna heimsbardaga. Í so máta er støðan versnað tólv ár á rað, og tað er vorðið ótryggari at liva í 99 londum. Men bólkar av londum standa seg framhaldandi væl. Fremst, best og tryggast at búgva í eru Ísland og Nýsæland. Teimum á baki eru Sveis, Slovenia, Írland, Eysturríki, Portugal, Singapor, Finnland og Japan, sum er tíggju tey tryggastu londini at liva og búgva í. Danmark er á einum ellinta plássi. Ringasta og ótryggasta landið at búgva í beint nú, er Russland. Telja vit upp eftir, frá russiska 163. plássinum, er næstringast at búgva í Sudan. Upp frá botninum koma síðan hesi lond: Fólkalýðveldið Kongo, Ukraina, Ísrael, Suðursudan, Afganistan, Jemen, Sýria, og Mali...

Í dag er bólturin farin á rull, so vit veruliga fáa innlit í miðlafótbólt í real time, annan vegin sum heilsugóð savningarmentan, men hinvegin sum náðileys pengamaskina. Við 48 londum byrjar hin størsta heimsmeistarakappingin í mansfótbólti, FIFA 2026, í dag, 11. juni og endar 19. juli. Tilsamans 104 dystir í 39 dagar, spældir í trimum londum, USA, Kanada og Meksiko í fýra tíðarøkjum.  HM 2026 verður hýst í 16 vertsbýum í USA, Kanada og Meksiko. Fyrsti dystur verður spældur á Estadio Azteca í Meksikobýi, mest ikoniska HM-stadion nakrantíð, tí har var fyrsti HM dystur í Meksiko í 1970, tá Brasil við triðja HM sigri hjá Péle vann 4-1 á Italia, og so " Hand of God"  og " Goal of the Century"  hj á Maradona í 1986, tá Argentina vann 3-2 á Vesturtýsklandi. Azteca verður nú fyrsti leikvøllur at hýsa HM fyri triðju ferð. Endadysturin verður spældur 19. juli á MetLife Stadium, East Rutherford, New Jersey. BBC hevur eitt yvirlit, har øll 48 kappingarlondini verða lýst ...

  Fert tú til Eiðis í dag, so sært tú gamla Tarvafjósið uppi í Kolli, sum Telefonverkið seinni gjørdi reytt, myndprýtt við verkinum "Garden of Memory", Garður við minnum, har vit síggja eina eldri konu, liggja barðlong á rygginum í sólini, við reyðum garni í niðara vinstra horni, einum farra av sjógvi ella luft uppi til vinstru, og restin av myndini, niðast, ovast og longst til høgru, eru barnaleiku, ein bamsa og ein bátur, ein seymimaskina, at spæla við, og ein tómur dukkuvognur. Eg spyrji italska veggjamyndlistamannin, Edoardo Ettorre, um motivið og kvinnan eru av Eiði. - Nei, sigur hann og festir sær í. It's universal. Tað er eitt altjóða motiv, eg arbeiði við. Eg spyrji, um eg skal vága mær at ganga undir hangandi lyftina í bakkanum, og hann nikkar og sigur jú, her er alt trygt. - Hvaðani ert tú, spyr hann, tá italski parturin er liðugur. Jú, eg búði her til í 1976. Aha sigur hann, og fortelur, at hann býr in a cottage by the sea har niðri. Og har niðri á Hamri,...

  José Antonio Donaire Benito nýsettur ferðavinnustjóri í Barcelona Ferðast tú í evropeiskum stórbýum, so hevur tú verið í Barcelona við katalansku miðjarðarhavsstrondina. Ikki minst tí, at Atlantsflog flýgur beinleiðis hagar.  Her er slóð til ein blogg, eg skrivaði haðani fyri tíggju árum síðan undir yvirskriftini Skal ferðavinnan oyðileggja besta býin?   Tá rendi eg meg í ógvusligar mótmælisgongur, har lokal fastbúgvandi fólk, ikki funnu seg í at teirra íbúðir skuldu brúkast til ferðafólk. Brúkið hotellini og ikki okkara livandi miðbý, har vit hava okkara heim og bústað, var herrópið. Mótmælisfólkini endaðu við dreglum í túninum hjá borgarstjóranum. Um dagarnar varnaðist eg, at José Antonio Donaire Benito, 57, sum hevur drúgva akademiska granskingarbakgrund í ferðavinnu, er fyrsti stjóri, sum sami býur, Barcelona, hevur sett í starv sum comissionat de turisme, at stýra ferðavinnustreyminum har í býnum, og fáa endurreist Barcelona við at loysa býin frá risastóra ferðaf...

Veggjamálarin Artez er úr milliónabýnum Beograd, sum er høvuðsstaður í Serbia. - Hevði eg búð her, so hevði eg kent øll og vita allar søgur um øll, sigur hann smílandi, meðan hann riggar av eftir sætta lagið av máling. Motivið er ein kvinna, sum í stórari stødd, 60 fermetrar, balanserar. Tað er eitt av hansara eyðkennum, síggi eg á heimasíðuni. Javnvág og balansi. Vit tosa um tilfar, sambond og um víðagitna Smug í Glasgow, sum hann hevur arbeitt saman við. Eitt felags eyðkenni fyri veggjamálarar er, at skapa eitt vindeyga, hol ella eyga, sum sær gjøgnum betongið. Á heimasíðuni sigur Artez "I am a globally recognized muralist known for my large-scale murals that blend vibrant imagery with narrative depth. With over 20 years of experience, I have completed hundreds of public artworks across Europe, Asia, and South America." Føroyska málningin í Havn hevur Artez gjørt á veggin ovast í Varðabyrgi 11, hjá Jónhild og Tóri Johannessen, í samráð við Hergeir Staksberg fyri We Need A...

  Misjonskirken Norge hevur júst havt ársmøti, har ein samtykt er gjørd, um einasta máta at liva sum hjún: «Ekteskapet er Guds gode ordning for samliv, for en mann og en kvinne. Menigheten utfører vigsel og velsignelse i samsvar med denne forståelsen.» Samtyktin er farin víða í norskum miðlum.   Kendi norski rokkpresturin, Bjørn Eidsvåg, sum fleiri ferðir hevur sungið í Føroyum, og í fjør fekk eina kirkjuliga virðisløn, Brobyggerprisen , hevur straks skrivað ein nýggjan sang, har hann varpar ljós á, hvussu kirkjan – næstan – kann rúma – næstan – øllum. Á egna Facebook vanganum skrivar teologurin og sangarin, Bjørn Eidsvåg: Inspirert av Sarah 15 år, som ble sitert i Vårt Land i forbindelse med Misjonskirkens vedtak om å holde skeive utenfor, skrev jeg en sang: Nesten alle vil vi ha med de sang «Alle vil vi ha med» de sang «Elsket for den jeg er» de sa: «Jesus døde for alle fordi han elsker enhver» i dette rommet hvor sangen runget og varmen rådet var det g...

Copilot teknaði Martinu McBride, sum syngur tvítýðuga Independence Day hjá Gretchen Peters Countrytónleikur er tað mest tjóðarbyggjandi og útbreidda fyribrigdið at samansjóða fólkið í USA, ikki bara arbeiðaran, men fólkið í síni heild. Tí pínur tað forsetan Donald Trump, at Martina McBride, sum er kend við "Independence Day", ikki vil vera við í konsertrøðunum, sum byrja 25. juni og halda fram til 10. juli. Endamálið við konsertunum er at hátíðarhalda amerikansku tjóðarsøguna í 250 ár kring amerikanska frælsisdagin, Independence Day, sum er 4. juli. Umframt countrystjørnuna McBride, og sterka og tvítýðuga sangin hjá Gretchen Peters, "Independence Day", eru fleiri aðrar sangstjørnur, sum ikki vilja vera við í konsertætlanunum hjá Trump, tí tær kenna seg lumpaðar. - In my mind I thought this was a great way to celebrate the states and also bring people together in the way that only music can, sigur Martina McBride á X. Miðlavanur, sum forsetin er, avlýsir hann a...

Jú fleiri vit fáa at ferðast henda vegin, jú dýrari verður hjá okkum fastbúgvandi at sleppa uppí part. Tað verður dýrari at gista, eta og helst eisini alt hitt, sum heldur ferðavinnuni uppi, so sum at leiga bil. Og tá tosa vit ikki um fólk, sum løgreglan sigur eru ólógligir ferðaleiðarar við egnum ferðandi, ella ferðafólk sum tyrpast í leigubilum á vegum og við fossar at taka myndir, sum øll hava tikið frammanundan. Tá hetta hendir, samstundis sum altjóða kanningar vilja vera við, at miðstættin víkir, so vit í størri mun hava undirstætt og yvirstætt, mugu vit spyrja fyri hvønn ferðavinnan, okkara triðja vinnuliga inntøkubein, ætlast at virka. Og hvussu hon virkar í øðrum londum, har vit elska at vitja. Hyggja vit í yvirskipaða samgonguskjalið, sum skal stýra okkum komandi fýra árini, so verður sagt, at "ferðavinnan hevur stórar vakstrarmøguleikar, men krevur javnvág. Vøkstur skal fara fram á ein burðardyggan hátt, sum leggur upp fyri náttúru, lokalsamfeløgum og infrakervi...

Fáir dagar eru síðan kavi lá. Nú er ferða- og summarmánaðurin av øllum byrjaður. Burt er kavi og brúnkargi liturin á bønum. Hiti er komin í slavnu luftina og nú spríkir alt upp í berari grønsku. Mettað gras, ið stendur við, til sligið verður um ólavsøkuleitið, tá sevjugrønskan kann fara úti í tað bláa og skapa blágrønsku. Litirnir í lendinum eru vaknaðir, til teir aftur sovna, og tað gongur hin vegin. Á tí meira ítøkiliga pláninum ganga vit undan í eini heiðurligari roynd at prýða veggir í býnum, meðan mandiga mannskapið við arbeiðstakarum bæði innanfyri og uttanfyri fólkaræðisliga valdu borðini, laga og avlaga veggir, prýða og misprýða miðbýin, so eg fái ilt í estetisku sálina. Størsti bati, eg hómi í leysgivna summarhitanum, nú mjørkin hvarv, og tað sæst at binda lissurnar, sum ein tingmaður segði, er nettupp niðari endin á Tinghúsvegnum. Har er tann størsta verkætlanin at prýða um plágaða miðbýin. Í øðrum borðinum er tað sjálvt parlamentið, ið langt síðan hevur mist skelina og v...