Brimheim hevur leiklutin sum Beinta í filminum "No Rest
for the Wicked".
Hvussu
fekst tú henda leiklutin?
- Tað var mín
góði vinur, Heiðrikur á Heygum, sum var við í fyrireikanini og ráddi
filmsliðnum at kontakta meg. Eg havi altíð havt áhuga í leiklist sum
listagrein, so eg hugsaði "hví ikki", tá eg fekk fyrispurningin í
telefonini, og fór til casting, hóast eg kundi vænta, slettis
ikki at sleppa við.
Eg hevði
latið meg í frakkan og skuldi fara, eftir at hava lisið nakrar senur fyri Anju,
sum var castari, og leikstjóranum, Kaspar, tá eg vendi inn aftur og hugsaði - kanska skuldi eg
sungið fyri teimum!
So eg fór
inn aftur og sang "Hurricane" úr míni nýggjastu plátu. Innan eg var liðug, sótu tey bæði og grótu, so eg fór avstað, eitt sindur meira sannførd um mínar møguleikar at sleppa við.
Hvussu var
at gera film saman við Pilou Asbæk og føroysku leikarunum, við Egor Venned
fremst fyri?
- Tað var vakurt
at eygleiða eyðsýnda sambandið, sum var millum Pilou og Egor. Eg elskaði at síggja teir arbeiða saman. Summi
fólk kunnu bara tendra fyri teirra tekki og yndi at vera á einum skermi á ein
hátt, sum heilt ítøkiliga broytir ljósið, skynið og rúmið, sum er uttan um tey.
Tað hugtók meg.
Sjálv var eg
serliga fegin um at spæla saman við Kjartan og Sofiu. Tey eru ikki bara gávuríkir
leikarar, sum eru millum tey fremstu í teirra faki, tey vóru eisini so fyrimyndarliga
fitt, at hjálpa mær við vegleiðandi uppskotum og fáa meg at kenna meg trygga,
fyrstu ferð eg spældi á filmi. Tað eri eg ógvuliga takksom fyri.
Sum føroyingur, var tað ein greið kensla av stoltleika, at
hoyra til størra partin av filmsliðnum, tí hetta var heilt vist nakað heilt
serligt.
Hvussu fataði
tú Føroyar sum upptøkuland og karm um søguna?
- Sjálvsagt
kanst tú ikki finna ljósið og vakurleikan í landslagnum nakra aðra staðni. Tú
fart so nógvar gávur úr náttúruni beint her.
Onkrir
dagar vóru krevjandi, tí veðrið var ræðuligt. Tá tóku øll seg saman, og júst tað gjørdi
keðiligu løturnar til at bera. Eg elski arbeiðsmátan við samstarvi, sum listagreinin
filmur er - tað krevst, at hvør einasti persónur, sum er partur av
filmsgerðini, ger sítt allar besta, skal nakað gott spyrjast burturúr, og tað syrgdu
øll fyri hvønn einasta dag. Eg hevði størstu virðing fyri filmsliðnum, sum alla
tíðina arbeiddi nógv meir og longri enn vit leikarar. Vónandi koma fleiri
verkætlanir sum henda til Føroyum í tíðini framyvir, har samstarv er millum
filmsfólk á staðnum, og stór framleiðslufeløg við fíggjarmøguleikum at gera
nakað so stórt, sum hetta.
Comments