Skip to main content

Summarið nærkast



Høgni ger klárt til summarið í Tórsbyrgi meðan hundurin Juffi hyggur æt. Í baksýni Nólsoyggin og beint niðanfyri er Ríkissalurin hjá Jehova Vitnum. Vitin er úr Famará. Hann varð slóktur í 1984 (Foto: Birgir Kruse)

Lýkka er í luftini og summarmjørkin legst um Nólsoynna og krýpur inn eftir fjørðinum. Dunandi russar liggja fyri teym og onkur bátsmanning hoyrist rópa. Tá er summar í hondum.

Í Tórsbyrgi er Høgni í Stórustovu farin at lúka og Anna Dahl hevur funnið rabarbur, reyðar og sevjumiklar, í bakkanum oman móti Ríkissalinum hjá Jehova, dygst við høsnagarðin hjá Álvi. Summar er í nánd og fólk savnast til kaffi kring borðini.

Mikudagin 30. apríl var ársaðalfundur í Eigarafelagnum. Tey sum nú manna nevndina eru: Meta Palle, Elin Súsanna Jacobsen, Anna Maria Simonsen, Sigrún Mohr og Elspa Olsen, sum er nývald.
Eigarafelagið í Tórsbyrgi, sum telur 36 hús, er elsta eigarafelag í landinum. Tey fyrstu búfólkini fluttu inn í Tórsbyrgi í 1976 og stórt 30 ár hald var á sumri 2006. Samstundis varð býlingurin kosin Besta Átak og fekk virðisløn frá Ferðaráði Føroya.

Nakrar greinar um Tórsbyrgi eru undir leitorðinum “býlingur” til høgru.

Comments

Halló Birgir,

Deiligur bloggur tú hevur, men hví er vitin í Akrabyrgi á Tórsbyrgi?

Kh Ingun
Birgir Kruse said…
Tað rætta er nokk Famará. Haldi eg. Fyr- & Vagervæsenet tók hann niður í 1984. Ein ungur drongur úr Tórsbyrgi, Martin Johannesen, sum var við í Famará, slapp at eiga toppin. Vónandi fer danska øvrigheitin ikki at gera krav uppá hann, toppin that is. Glaður eri eg, at hann varð settur uttanfyri mítt vindeygað.