Birk

Vilt tú ein góðveðursdag, meðan tokan liggur gráslavin yvir Havnina, uppliva eina grasgrøna bygd, sum enn er autentisk, og harumframt fáa ein eyka ágóða framíhjá og púra óvæntað uppliva og eygleiða, hvussu hon tekur móti fremmandafólki, er at fara norður til Tjørnuvíkar. Tað gjørdi eg í dag - hóast tað ikki er ráðiligt at traðka í fótafarið hjá meistaranum, Jørgen-Frantz, sum frá sjósíðuni skrivaði ferðafrásøgn úr Sjeyndum her á Tjørnuvíksleiðini í 1927. Men kargari eygberingar kunnu eisini gera tað ein óforpliktandi hásummardag knapt hundrað ár seinni. Komin út úr heilhuldu Havnini, byrjar at klárna í Sundalagnum, har tað gongur upp fyri mær, hvussu avkrøkt Sundalagið er blivið, eftir at Eysturoyartunnilin varð tikin í brúk hin vegin. Onkur eg tosi við, fegnast, at nú er friður av teim mongu bilunum, sum tíðliga og seint koyra til og frá arbeiði og gera sneisaørindi í Havn, hóast depilin kring brúnna um Streymin varð skýrdur og veruliga væntaðar at verða miðdepil Føroya. Nú skulu ...

  CoPilot gjørdi myndina við støði í tekstinum Á aðru síðuni mandigir menn í ljósareyðum skóm sum fáa reytt   á vátgrønum vølli tá heimlandstrygdin og appilsinfrunturin í casa blanca vrakar og havnar so blankskallavinurin infantint kann takkla eitt bil og dribla á ranguni til útselt er í fifa forfanin hóast einki nyttar at snýta ain't that just like Belgium meðan deyðin framkallar Bill og minnið um tiknar myndir av føroyskum lendingum á Hahnemühle pappír í Cross Village tosa um synir og spurningin um eg nakrantíð aftur sleppi at kenna rættara landið sum horvið er

  Veit ikki, hví eg leygarkvøldið sat og hugsaði um klassiska meistarafilmin hjá Miloš Forman frá 1975 "One Flew Over the Cuckoo's Nest", sum Ken Kesey skrivaði í 1962 og vit lósu í enskum í øðrum ge. Kanska var tað fyrst Matías Galarza, ein á liðinum hjá Paraguai hetta kvøldið, og kanska eisini liðfelagin Andrés Cubas, og seinni eisini Juan José Cáceres, sum liggjandi og púra óneyðugt velur at seta gaggurnar á skinnabeinið á fyrimyndarliga M'Bappe, sum øvut av frumskógardreingjunum úr Suðuramerika, har fótbóltur kanska er einasta ljós at sleppa úr favelaini, fær meg at hugsa um skótarørsluna hjá boaranum Baden Powell, ið gav okkum ein ivasaman tátt, Boaratáttin, heilt norður til Føroya. Uttan nakran dómaraseðil, fingu faveladreingirnir eina blástempling í kappingini við le Bleau úr mentaða heiminum. Infantino av Blankaskála hevur nógv at gera, skal hann fáa onnur enn M'Bappe, og nú eisini rógvandi sigursnorðmenn, mentaðar millum aðrar tjóðir á altjóða leikvøl...

Tað er Astrið Gullborgardóttir, sum framman fyri skúlanum í Fuglafirði er við í lýsingini hjá Kovboyfilm um elbilin Toyota C-HR+ hjá Reyni Service . Í fjør legði eg meg í kjalarvørrin á teim, sum ljóðleys rógva í grøna orkuskiftinum. Eg keypti mær elbil at koyra við og hitapumpu heima. Meir um tað í endanum. Men henda grein snýr seg ikki um elbilar og hitapumpur, men um fremstu føroysku lýsingalist á filmi, ein minuttur og tríogtjúgu sekund til longdar, gjørdur til stóra biografløriftið, men frumsýndur í Sjónvarpinum undan HM-dystinum millum Noreg og Brasil tíggju minuttir í níggju sunnukvøldið.  Her á blogginum sæst hann tó longu nú. - Eg havi tikið russisku linsuna við, sigur Thomas Koba, og greiðir frá, at øll lýsingin er filmað við gomlum russiskum linsum. - Keypti eitt refurbished set av linsum herfyri, fyri at fáa hattar bleyta, softa, lookið. Tað eru gamlar stillkamera linsur frá 60 og 80'unum, sum eru modifiseraðar til at passa á mítt Sony kamera. Tær eru eitt sin...

Jórunn Gudmundsen er leiðari í nýggju Messuni í Sørvági. Við sýni inn móti sandinum tváar countrytónleikur rundleitta rúmið við einum himmalskum sangi, so eg hyggi upp. Haldi, at staðbundni tónleikurin fær tað at klárna inneftir, og knýta uppeftir í kjølstrekta longsulin, sum í eini langfarabygd var kjarnin í einum ektaðum countrysangi. Pól Skarðenni hevur teknað Messuna, ið er bygd undir bátinum Astrid, sum í 1973 hoyrdi heima á Tvøroyri, og síðan aldarskiftið var í Fuglafirði undir navninum Marna FD 193, men upphøgdur í 2018. Nú sæst hon hálvd omaná Messuni. Pól, sum er verkfrøðingur, og sjálvlærdur listamaður, hevur starvsstovu í Vatnsoyrum. Í løtuni sýnir hann fram uppi í Dalinum. Her er motivið úr Funningi. Tað var sørvingurin og bókavørðurin, Erhard, sum við einum Facebookuppslagi í dag freistaði meg at koyra vestur. Tað gjørdi hann í einum fyndugum setningi um tey, sum ikki eru á ásveldinum , tignarligu maktleingjuni í tvørskurðinum av Sentralføroyum, har Klaksvík er norðast vi...

Í morgun kom eitt ferðamannaskip uttan av havi inn í Nólsoyarfjørð millum Stong og Eystnes. Vessel Finder kann siga mær alt um skipið, stødd, heimstað og byggiár. Men tað, sum eg hefti meg við, var tokan, sum legði seg um skipið, so skjótt tað kom undir land.  Úti á fjørðinum var klárt. Umframt at ilskast inn á mista myndamøguleikan, har eg sat við kaffi á terassuni, kom eg í tankar um vitlíki, og gjørdi av at taka eina tokumynd av ferðamannaskipinum púra laiv, sum sýnið var hesa kaffiløtu í morgun, meðan Skratsj surrar í svassinum, og geva Copilot fesku Føroyamyndina, og gera hana klára og litsterka.  Úrslitið er ovast og veruleikin er niðast.  Við hesum lítla myndaátaki grundaði eg eina løtu yvir, hvussu fremmanda ferðafólkið umborð á risareikskipinum man síggja Føroyar.  Tær eru nú nokso flottar kulissur, hasar Føroyar. Í hvussu er í Disneyeygum, sum sæst ovast.  Men tað veit eg einki kvalitativt at siga um, tí eg, mótvegis nokk so nógvum øðrum, havi ongantíð...

Cadeau til samkomurnar í Havn. Cadeau , kurteislig vinagerð, sum franska orðabókin sigur um gávu og tinganest, ið nú kemur miðbýðarborgaranum til góða frá samkomuni City Church.  Eftir brunaskaða, og í kjalarvørrinum á Lívdini uppi í Hoyvík, har skjótast vaksandi búseting er í landinum, fer miðbýðarkirkjan at endurreisa samkomuhølið og skapa bestu tónleikauppliving fyri 400-500 fólk, sigur Tom Jacobsen, sum er pastorur, nú bygt verður nýtt, upp at næsta granna, sum er størsta spæliplássi í býnum. Spælipláss av tí slagnum, sum orðabókin gevur børnum og barnafamiljum, og sum á enskum verður kallað playground . Cadeau. Samstundis er forfallið í privatu Klubbabygningunum totalt, og kommunan fer eftir filmiskan biograffyrispurning, kanska um tíggju ár at hyggja uppá Bacalao sum møguliga íløgu til ein biografsýningarmøguleika, hin seinasta í landinum. Eitt visuelt upplivingarrúm, ið nær sum helst kann gleppa okkum, ið ganga í góða men seinasta biografin, av hondum. Tíggju ár. Tjóðp...

Tað er okkurt stuttligt við at sleppa at kuratera ein playlista í Útvarpinum. Spæla musikk og plátur meðan øll lurta. Gera eina byrjan, eina miðleingju og so ein enda, akkurát sum tá vit lærdu at skriva stíl. Í ein tíma. At halda tíðini fastari, so hon stendur still, at bestamma tað, sum øll skulu lurta eftir í einum rúmi, har einki annað er at lurta eftir. Nakað sum at hyggja eftir Portugal og Ronaldo, sum spæla fótbólt móti Kongo. Tú ert fangaður í eini boblu av ongum á einari kanal, har einki annað er at síggja. Ein zombie í ongamannalandi í djúpasta Afrika, til ein rættir tær hondina og sigur Doktor Livingstone I presume? Kanska er kortini nakað uppliftandi og nýskapandi við at prika hol á summarbobluna við nettup at gera ein ómælandi playlista frá byrjan til enda, tá alt kemur til alt. Avbjóðingin er bara, at tað er sum at skera í reytt tjúkksaftað sjele. Tað víkir og glíður undan, og so hvørt tær lukkast at fáa ein bita, um man kann kalla munnberingina so, og lyftan hann upp á sk...